नामदेवशास्त्री म्हणाले, "धनंजय मुंडेंनी मंत्री म्हणूननच भगवान गडावर यावे!' 

नामदेवशास्त्री म्हणाले, "धनंजय मुंडेंनी मंत्री म्हणूननच भगवान गडावर यावे!' 

पुणे : महाराष्ट्र विकास आघाडीचे सरकार सत्तेत आल्यानंतर राष्ट्रवादी कॉंग्रेचे नेते धनंजय मुंडे यांचे नाव मंत्रीमंडळाच्या पहिल्याच विस्तारात अपेक्षित होते. मात्र, मुंडे यांना स्थान मिळालेले नाही. अधिवेशनानंतरच्या विस्तारात त्यांना स्थान मिळेल, असे सांगण्यात येत आहे. या पार्श्‍वभूमीवर भगवानगडाचे महंत नामदेवशास्त्री यांनी मुंडे यांनी मंत्री होऊन गडावर यावे अशी भावना व्यक्त केली आहे. 

महंत नामदेवशास्त्री यांनी मंबईत येऊन नुकताच मुंडे यांचा फेटा बांधून सत्कार केला.यावेळी त्यांनी या भावना व्यक्त केल्या. गेल्या पाच वर्षात विधान परिषदेचे विरोधी पक्षनेते म्हणून मुंडे यांची कामगिरी चांगली झाली आहे. त्यामुळे मंत्रिमंडळाच्या विस्तारात त्यांचा समावेश नक्की मानला जात होता. मात्र,सत्ता स्थापनेच्या काळातील घडामोडी आणि धनंजय मुंडे यांची भूमिका यामुळे त्यांचा समावेश टाळण्यात आल्याचे सांगण्यात येत आहे. 

विधानसभा निवडणुकीत साऱ्या राज्याचे लक्ष लागून राहिलेल्या परळी मतदारसंघात मुंडे बहीण-भावाची निवडणूक चर्चेची ठरली. निवडणुकीनंतरही अजित पवार यांनी देवेंद्र फडणवीस यांच्यासोबत उपमुख्यमंत्रीपदाची शपथ घेतली. या काळात मुंडे यांनी अजित पवार यांची पाठराखण केली होती. ही सारी पार्श्‍वभूमी असताना मुंडे यांना मंत्रीमंडळात स्थान मिळणार अशी चर्चा सुरू झाली. 

पहिल्या विस्तारात अजित पवारांबरोबरच मुंडे यांनाही स्थान देण्यात आले नाही. त्यामुळे आता नागपूर अधिवेशनानंतर होणाऱ्या विस्तारात मुंडे यांना स्थान मिळेल, असे सांगण्यात येत होते. या पार्श्‍वभूमीवर भगवानगडाचे महंत नामदेव शास्त्री यांनी धनजंय मुंडे यांच्याविषयी व्यक्त केलेली अपेक्षा आणि भावना महत्वपूर्ण आहे.

बीडमधल्या राजकारणाचा रंगही त्याला आहे. नामदेवशास्त्री व धनंजय मुंडे यांचे संबंध चांगले आहेत. याउलट पंकजा मुंडे यांच्याशी महंत शास्त्री यांचे संबंध तितकेसे चांगले नाहीत. त्यामुळे धनंजय मुंडे यांनी मंत्री होऊन गडावर यावे ही महंतांची भावना महत्वपूर्ण मानली जात आहे. 
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com