धनगर आरक्षणाच्या मागणीसाठी काळ्या गुढ्या

धनगर आरक्षणाच्या मागणीसाठी काळ्या गुढ्या

वालचंदनगर :  धनगर समाजाला अनुसूचित जमाती(एसटी) चे आरक्षण मिळावे यासाठी  बोरी (ता.इंदापूर) येथील ग्रामस्थांनी काळ्या गुढ्या उभारुन सरकारचा निषेध केला. तसेच मेगाभरती थांबविण्याची मागणी केली.

धनगर समाजाच्या आरक्षणावरुन सरकारला कोंडीत पकण्यासाठी ग्रामीण भागातून आंदोलनास सुरवात होऊ लागली आहे.  धनगर समाजाचे नेते गोपीचंद पडळकर यांनी  राज्यातील धनगर समाजाने आरक्षणासाठी १२ ते १९ डिसेंबरपर्यंत घरावर काळे झेंडे लावून सरकाराचा निषेध करण्याचे आवाहन केले आहे. या आवाहनाला आज गुरुवार पासुन इंदापूर तालुक्यातील बोरी गावातील  धनगर समाजातील नागरिकांनी प्रतिसाद दिला.

गावातील बहुतांश नागरिकांनी घरावरती काळे गुढ्या उभारुन  निषेध केला. तसेच वाड्यावस्त्यावरील नागरिकांनी घरावती काळ्या गुढ्या उभारल्या होत्या. १९ डिसेंबर पर्यंत बोरी परीसरातील नागरिक घरावर काळे गुढ्या उभारणार लावून निषेध करणार असल्याची माहिती राष्ट्रवादी काँग्रेसचे जिल्हा उपाध्यक्ष रामचंद्र जोरी यांनी दिली. यावेळी छत्रपती कारखान्याचे माजी उपाध्यक्ष बाळासाहेब पाटील, माजी सरपंच गणेश नागवे,पोपट ठोंबरे, सुभाष शिंदे, सोमनाथ ठोंबरे, दत्तात्रेय शिंदे उपस्थित होते.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com