राष्ट्रवादीमधून बाहेर गेलेल्यांची 12 डिसेंबरनंतर घरवापसी!

लाटेत निवडून आलेल्या सरकारमधील आमदार आणि खासदार पुन्हा सभागृहात दिसणार नाहीत.
राष्ट्रवादीमधून बाहेर गेलेल्यांची 12 डिसेंबरनंतर घरवापसी!

पंढरपूर : लाटेत निवडून आलेले सरकार फार काळ टीकत नाही असा पूर्व इतिहास आहे. त्यामुळेच जनतेचा विश्वास गमावलेल्या   भाजप शिवसेनेचे आमदार-  खासदार पुन्हा सभागृहात दिसणार नाही, असा दावा विरोधी पक्षनेते धनंजय मुंडे यांनी आज पंढरपुरात पत्रकार परिषदेत बोलताना केला.

खासदार शरद पवार यांच्या वाढदिनाच्या निमित्ताने कार्यकर्ता मेळाव्यासाठी मुंडे आले होते. कार्यक्रमाला जाण्यापूर्वी त्यांनी विश्रामगृहावर पत्रकारांशी संवाद साधला. मुंडे म्हणाले, खोटी आश्वासने देऊन देशात आणि राज्यात भाजपने सत्ता मिळवली. पाच वर्षात फक्त सर्वसामान्यांना त्रास सहन करावा लागला. लाटेत निवडून आलेल्या सरकारमधील आमदार आणि खासदार पुन्हा सभागृहात दिसणार नाहीत. त्यामुळे येत्या 12 डिसेंबर नंतर  राष्ट्रवादीमधून बाहेर गेलेल्या नेत्यांची घरवापसी सुरु झालेली दिसून येईल असेही यावेळी मुंडे यांनी  स्पष्ट केले. 

यावेळी आमदार भारत भालके, राष्ट्रवादीचे जिल्हा अध्यक्ष दीपक साळुंखे, माजी खासदार रणजितसिंह मोहिते, शहर अध्यक्ष संदीप मांडवे, श्रीकांत शिंदे, राजूबापू पाटील,सुभाष भोसले, अमोल नागटिळक ,सूरज पेंडाल आदी उपस्थित होते. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com