गोपीनाथ मुंडेंच्या आठवणीशिवाय माझा दिवस सुरु होत नाही : धनंजय

चार वर्षानंतर का होईना मला जामखेडच्या लोकनेते गोपीनाथ मुंडे प्रतिष्ठानने बोलवले, माझं साहेबांशी रक्ताचे नाते आहे, हे मान्य केले. आपण येथे आलो म्हणून काहीच्या पोटात दुखले असेल, असा टोला ग्रामविकासमंत्री पंकजा मुंडे यांचे नाव न घेता धनंजय मुंडे यांनी लगावला.
गोपीनाथ मुंडेंच्या आठवणीशिवाय माझा दिवस सुरु होत नाही : धनंजय

जामखेड (जि. नगर) : चार वर्षानंतर का होईना मला जामखेडच्या लोकनेते गोपीनाथ मुंडे प्रतिष्ठानने बोलवले, माझं साहेबांशी रक्ताचे नाते आहे, हे मान्य केले. आपण येथे आलो म्हणून काहीच्या पोटात दुखले असेल, असा टोला ग्रामविकासमंत्री पंकजा मुंडे यांचे नाव न घेता धनंजय मुंडे यांनी लगावला. 

आज जामखेड येथे लोकनेते गोपीनाथ मुंडे प्रतिष्ठानच्यावतीने लोकनेते गोपीनाथ मुंडे यांच्या चौथ्या स्मृती दिनानिमित्त अयोजित कार्यक्रमात धनंजय मुंडे बोलत होते. 

धनंजय मुंडे म्हणाले, वीस वर्ष साहेबांबरोबर आपण सावली सारखे राहिलो. संघर्षाचा काळ होता, तेव्हा इतर कोणी सोबत नव्हते. माझे आणि साहेबांचे केवळ चुलत्या-पुतण्याचे नाते नव्हते तर मला त्यांच्या तर त्यांना माझ्या भावना ऐकमेकाच्या नजरेतून कळत होत्या. मुंडे साहेबांच्या स्मृती दिनानिमित्त आपण त्यांचे आज स्मरण करण्यासाठी एकत्र आलोत. मला मात्र त्यांचे दररोज स्मरण होते, त्याशिवाय दिवसाची सुरुवात होत नाही.' असे मत धनंजय मुंडे यांनी व्यक्‍त केले. 

एका समाजापुरते व एका पक्षापुरते मुंडे साहेबांना बांधून ठेवू नका, ही आयोजकांनी आपली हात जोडून विनंती आहे. तसेच चार वर्षांनी का होईना जामखेडकरांनी माझं मुंडेसाहेबांशी रक्ताच नात आहे, हे मान्य केलंत आणि मला बोलवलत. त्याबद्दल धन्यवाद दिले. आणि राजकारणाचा वारसा कोणालाही मिळो मी मात्र मुंडे साहेबांचा संघर्षाचा वारसा आयुष्यभर चालविल, गोरगरीबांचे, कष्टकऱ्यांचे प्रशन सोडविल, असे मुंडे म्हणाले. 

लोकनेते गोपीनाथ मुंडे यांच्या संघर्ष यात्रेमुळे राज्यात 1995 ला सत्तांतर झाले. या वेळीही झालेल्या परिवर्तनाचे गोपीनाथ मुंडे हेच "जनक' आहेत. त्यांनी आयुष्यभर संघर्ष केला, ऊस तोडणी कामगारांसाठी लढा लढला. संपूर्ण आयुष्य संघर्षात घालवले. मोठ्या कष्टाने केंद्रात सरकार आले, मुंडे साहेब केंद्रीय मंत्रीमंडळात मंत्री झाले. सर्वसामान्यांचे प्रश्न सुटतील, कष्टकऱ्यांचा आवाज बुलंद होईल,असे वाटत असतानाच नियतीने घात केला आणि साहेब आपल्यातून निघून गेले. मोठे दुःख झाले. मात्र व्यक्त होता येत नव्हते, असे मुंडे म्हणाले. 
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com