मुख्यमंत्री फडणवीस यात्रा आटोपून नितीन गडकरींच्या भेटीला

नागपूर : मुख्यमंत्री देवेंद्र फडणवीस यांनी महाजानदेश यात्रेत  थोडा ब्रेक घेऊन केंद्रीय मंत्री नितीन गडकरी यांची भेट घेतली आणि त्यांच्या प्रकृतीची विचारपूस केली .  

 आज नागपूर जिल्हयात महाजनादेश यात्रा होती. ताप आल्याने थकलेले गडकरी काटोलला जाणार होते ,सभेला हजर रहाणार होते पण थकवा होताच. जाता आले नाही म्हणून ते  हळहळत असतानाच मुख्यमंत्र्याचा निरोप आला ते स्वत: भेटायला येताहेत.

सभा आटोपली आणि मुख्यमंत्री  हजर झाले गडकरींच्या भक्ती या घरी.यात्रेची माहिती ,जनतेचा प्रतिसाद यांची माहिती देत फडणवीस यांनी गडकरींची चौकशी केली. दोघांमध्ये यावेळी मनमोकळ्या गप्पाही झाल्या .