फलटणला सभा घेतली की यश मिळते : फडणवीस

बारामतीकरांनी फलटणकरांचे पाणी आणि रेल्वे अडविली होती. मात्र, आम्ही ते सर्व परत मिळवून दिले आहे.
फलटणला सभा घेतली की यश मिळते : फडणवीस

सातारा : लोकसभा निवडणुकीत तुम्ही रणजितसिंहांच्या रूपाने आम्हाला थेट इंजिन दिल्याने फलटणच्या विकासाची गाडी वेगाने धावायला लागली. आता दुसरे इंजिन आमदारकीच्या रूपाने द्या. आम्ही त्याला पेट्रोल आणि इलेक्‍ट्रिसिटी पुरवू. त्यामुळे फलटणच्या विकासाची गाडी भरधाव वेगाने धावेल, अशी अपेक्षा मुख्यमंत्री देवेंद्र फडणवीस यांनी व्यक्त केली.

भाजप उमेदवार दिगंबर आगवणे यांच्या प्रचारार्थ फलटणच्या सभेत मुख्यमंत्री फडणवीस बोलत होते. यावेळी खासदार रणजितसिंह नाईक- निंबाळकर, रणजितसिंह मोहिते-पाटील, जयकुमार गोरे, विक्रम पावसकर उपस्थित होते.

फडणवीस म्हणाले, फलटणला सभा घेतली की यश मिळते. लोकसभेला येथे सभा घेतली आणि तुमच्या सर्वांचा जोश पाहून मला रणजितसिंह निंबाळकर निवडुन येतील, असे वाटले होते. ते खरे ठरले, आजचा तुमचा जोश पाहून पुन्हा एकदा मला विश्‍वास निर्माण झाला आहे, येथे युतीचाच आमदार निवडुन येईल. फलटण मतदारसंघाचा आमदार दिगंबर आगवणेच होईल, दुसरा कोणी होणार नाही.  

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com