देवेंद्र फडणवीस भाऊ नाहीत; 'भाऊ' म्हटले की भीती वाटते! 

पुणे: उद्धव ठाकरे आणि महादेव जानकर हे मुंडेसाहेब हयात असतानाचे भाऊ आहेत. त्यानंतरच्या काळात कुणाला 'भाऊ' मानलेले नाही. कारण 'भाऊ' म्हटले की मला भीती वाटते, अशी टिप्पण्णी माजी ग्रामविकासमंत्री पंकजा मुंडे यांनी केली आहे. 

गोपीनाथगडावरील कार्यक्रमात पंकजा मुंडे यांनी भाजपपासून दूर राहण्याचा निर्णय घेतला. यासंदर्भाने पंकजा मुंडे 'एबीपी माझा'शी बोलत होत्या. पंकजा मुंडे यांना देवेंद्र फडणवीसांचे एका शब्दात वर्णन करण्यास सांगण्यात आले होते. त्यावर फडणवीसांचा 'मित्र' असा उल्लेख पंकजा यांनी केला. त्याला जोडून पंकजा म्हणाल्या, आता कुणाला भाऊ, बहिण म्हणू वाटत नाही. कारण 'भाऊ' म्हटले की मला भीती वाटते. उद्धव ठाकरे, महादेव जानकर यांना मुंडेसाहेब हयात असतानाच 'भाऊ' मानल्याचे त्यांनी यावेळी नमूद केले.