जयकुमार गोरेंना मंत्री करणार : फडणवीस

कुणाचे काहीही ठरले असले तरी द्वेषभावनेने पछाडलेल्यांना जनता घरी बसवणार आहे.
जयकुमार गोरेंना मंत्री करणार : फडणवीस

बिजवडी (सातारा) : माझा आशीर्वाद आणि साथ फक्त कमळाला असून जयकुमार गोरेंना जिल्ह्यात सर्वाधिक मतांनी निवडून द्या, त्यांच्या रूपाने जिल्ह्याला मंत्रीपद देतो असे आश्‍वासन मुख्यमंत्री देवेंद्र फडणवीस यांनी दिले. 

म्हसवड (ता. माण, जि.सातारा) येथे भाजपचे उमेदवार जयकुमार गोरे यांच्या प्रचारार्थ मुख्यमंत्री बोलत होते. यावेळी कृषीराज्यमंत्री सदाभाऊ खोत, खासदार रणजितसिंह नाईक-निंबाळकर, जिल्हाध्यक्ष विक्रम पावसकर, पिंपरी प्राधिकरणाचे अध्यक्ष सदाशिव खाडे, बाळासाहेब मासाळ, विकल्प शहा उपस्थित होते.

फडणवीस म्हणाले, सध्या सुरु असलेल्या निवडणूक रणधुमाळीत आम्हाला मजाच येत नाही. आमच्या समोर तुल्यबळ कुणीच नाही. आमचे सर्व पैलवान तेल लाऊन तयार आहेत. समोर लढाईला पैलवानच नाही. जयकुमार गोरेंनी तर माण - खटावमध्ये कॉंग्रेस, राष्ट्रवादीला चिन्हावर लढायला माणूसच ठेवला नाही. जयकुमार गोरे लढवय्या आहेत. त्यांच्यावर अगोदरपासूनच आमचा डोळा होता. हिरा पारखण्याची नजर आहे. त्यांनी शब्द दिल्याप्रमाणे माढ्याचा लोकसभेचा गड जिंकला.  

खासदार रणजितसिंह नाईक निंबाळकर म्हणाले, जयकुमार गोरेंच्या पाठिशी मुख्यमंत्र्यांचे आशिर्वाद आणि पाठबळ आहे. कुणाचे काहीही ठरले असले तरी द्वेषभावनेने पछाडलेल्यांना जनता घरी बसवणार आहे. मुख्यमंत्री जयकुमारांच्या आणि जनतेच्या अपेक्षा पूर्ण करणार आहेत. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com