लग्नापू्र्वीच महिला पोलीस अधिकाऱ्याने केली भावी पतीला अटक, वाचा काय आहे प्रकरण

Crime news | कोणीही चूक केली तर मी कोणालाही सोडणार नाही, मग ते माझ्या कुटुंबातील सदस्य असले तरीही, असा इशाराच जोनमणी राभा यांनी दिला आहे
लग्नापू्र्वीच महिला पोलीस अधिकाऱ्याने केली भावी पतीला अटक, वाचा काय आहे प्रकरण
Woman Police Officer Arrests Her Boyfriend

Asam latest Crime news

नवी दिल्ली : आसामच्या (Asam) महिला पोलीस उपनिरीक्षकाने (PSI) लग्नाआधीच स्वत:च्याच भावी पतीला अटक केली. बनावट ओळख दाखवून लग्न करण्याचा प्रयत्न फसवणूकीच्या आरोपाखाली संबंधित व्यक्तीला अटक करण्यात आली आहे. महिला उपनिरीक्षकाला संशय आल्याने तिने आरोपीची चौकशी केल्यानंतर त्याला अटक करण्यात आली आहे.

हे प्रकरण आसाममधील नागाव जिल्ह्यातील आहे. नागाव पोलीस ठाण्याच्या महिला कक्षाच्या प्रभारी उपनिरीक्षक जोनमणी राभा (Jonmani Rabha) यांनी त्यांचे भावी पती राणा पग (Rana Pogag) याला खोटी ओळख दाखवून लग्न करण्याचा प्रयत्न केल्याप्रकरणी, लाखो रुपयांची फसवणूक केल्याप्रकरणी अटक केली आहे. बुधवारी सायंकाळी आरोपी राणा पग याला नागाव न्यायालयात हजर केले असता न्यायालयाने त्याला दोन दिवसांची पोलीस कोठडी सुनावली.

Woman Police Officer Arrests Her Boyfriend
आमदारांच्या पगारात भरमसाठ वाढ ; आता दरमहा मिळणार नव्वद हजार रुपये

जोनमणी राभा यांनी दिलेल्या माहितीनुसार, जानेवारी 2021 मध्ये माजुली येथे पोस्टिंग करत असताना त्यांची राणा पगशी भेट झाली. यादरम्यान राणा पगने स्वत:ची ओळख ओएनजीसीचे जनसंपर्क अधिकारी अशी करून दिली. भेटीनंतर काही दिवसांनी पगने जोनमणीसमोर लग्नाचा प्रस्ताव ठेवला आणि जोनमणा यांनी तो स्वीकारला. यानंतर, जनमनी आणि पॅग या दोघांच्या कुटुंबीयांची भेट झाली आणि दोघांची ऑक्टोबर 2021 मध्ये साखपुडाही थाटामाटात पार पडला आणि नोव्हेंबर 2022 मध्ये लग्न निश्चित झाले.

2022 च्या सुरुवातीस, जोनमणी यांनी स्वतः जनसंपर्क आणि जाहिरातींमध्ये पदवी प्राप्त असल्याने त्यांना पगच्या हालचालींवर शंका आली. त्यांनी त्यांनी तपासाची चक्रे हलवली. चौकशीदरम्यान तिघांना भेटल्यावर जोनमणीचा संशयाचे खात्रीत रुपांतर झाले. पगने कंत्राट देण्याच्या नावाखाली २५ लाखांची फसवणूक केल्याचे तिघांनी जॉनमनीला सांगितले. या प्रकरणाचा तपास केल्यानंतर जोनमणीला राणा पग ओएनजीसीमध्ये काम करत नसल्याचेही आढळून आले.

जॉनमनीला तपासादरम्यान असेही आढळून आले की पॅगने एक एसयूव्ही वापरली होती, जी त्याने भाड्याने घेतली होती. इतकेच नव्हे तर आपण हाय प्रोफाईल अधिकारी वाटावे, यासाठी त्याने आपल्यासोबत एक वैयक्तिक सुरक्षा रक्षक आणि ड्रायव्हर देखील ठेवला होता.

या प्रकरणी जोनमणा म्हणाल्या की, आपल्या भावी पतीची सत्यता पडताळल्यानंतरच मी त्याच्यावर कारवाई केली आहे. आम्ही अनेक स्टॅम्प, बनावट आयडी पुरावे, खोटी कागदपत्रे, एक लॅपटॉप, अनेक मोबाईल फोन आणि चेकबुक जप्त केले आहेत. मी देवाची आभारी आहे आणि मला कोणतीही खंत नाही. मला आसामच्या लोकांना एकच संदेश द्यायचा आहे की त्यांनी काही चूक केली तर मी कोणालाही सोडणार नाही, अगदी माझ्या कुटुंबातील सदस्यांनाही नाही, असा इशाराही जोनमणी राभा यांनी दिला आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.