Akhilesh Yadav अडचणीत ; निवडणूक आयोगाची नोटीस, पुरावे सादर करा..

Notice To Akhilesh Yadav : निवडणूक आयोगावर आरोप करणं समाजवादीचे पार्टीचे राष्ट्रीय अध्यक्ष, माजी मुख्यमंत्री अखिलेश यादव यांना महागात पडणार असल्याचे चित्र आहे.

निवडणूक आयोगाने त्यांच्यावर केलेल्या आरोपांवरील पुरावे, कागदपत्रे अखिलेश यादव यांच्याकडे मागितले आहेत, यादव हे पुरावे देतील का, निवडणूक आयोग त्यांच्यावर काय कारवाई करणार हे पाहणे महत्वाचे ठरणार आहे.

स्थानिक स्वराज निवडणुकीत व्यग्र असलेले अखिलेश यादव यांच्या अडचणीत यामुळे वाढ होण्याची शक्यता नाकारता येत नाही. याबाबत येत्या १० नोव्हेंबर रोजी त्यांना पुरावे सादर करण्यास निवडूक आयोगाने सांगितले आहे. याबाबत आयोगाने यादव यांना नोटीस बजावली आहे. निवडणूक आयोगाने त्यांच्याकडे पुरावे मागितले आहेत.

निवडणूक आयोगाने उत्तरप्रदेश विधान सभेच्या निवडणुकीत यादव आणि मुस्लिम समाजातील मतदारांची नावे मोठ्या प्रमाणात काढून टाकले होते, असा आरोप एका कार्यक्रमात अखिलेश यादव यांनी निवडणूक आयोगावर केला आहे. याबाबत त्यांनी जिल्हा आणि राज्य निवडणूक आयोगाकडे तक्रार दाखल केली आहे. या आरोपाबाबत आता निवडणूक आयोगाने यादव यांच्याकडे पुरावे मागितले आहेत.

कुठल्याही विधानसभा मतदारसंघातून २० हजार मतदारांची नावे हटविल्याची तक्रार आलेली नाही. जर असे घडले असेल तर त्याबाबत त्यांनी पुरावे सादर करावे, असे आयोगाने त्यांना पाठवलेल्या नोटिशीत म्हटलं आहे.