Thackeray Vs Shinde : अखेर आयोगाच्या निर्णयाविरोधात ठाकरे गटाची याचिका दाखल : उद्या होणार सुनावणी!

Thackeray Vs Shinde : सर्वोच्च न्यायालयात ठाकरे गटाची याचिका मेन्शन करण्यात आली आहे. उद्या या याचिकेवर सुनावणी व्हावी अशी मागणी केली जात आहे. ज्येष्ठ विधिज्ञ कपिल सिब्बल यांच्या वतीने ही याचिका दाखल करण्यात येत आहे. काल या न्यायालयाने या याचिकेवर तातडीने सुनावणी घेण्यास नकार दिला होता. मात्र आज अखेर न्यायालयाकडून ही याचिका मेन्शन करण्यात आली आहे.

पाच न्यायाधीशांच्या घटनापीठसमोर ही निवडणुक आयोगाच्या निर्णयाविरोधातली याचिका ऐकली जावी ही मागणी ठाकरे गटाची होती. यावर सरन्यायाधीशांचं म्हणणं होतं की, "घटनापीठाचं जे कामकाज आहे, ते आम्ही त्यात आम्ही व्यस्तता आणणार नाही. कारण ते नियोजित वेळेनुसार ठरलेले आहे. आज आम्ही हे कामकाज संपवू , यानंतर यासंदर्भातला निर्णय आम्ही घेऊ." तूर्तास पाच न्यायाधीशांच्या घटनापीठाची ठाकरे गटाची मागणी मान्य केली गेलेली नाही. मात्र याबाबत नंतर चर्चा करू, असे सरन्यायाधीश धनंजय चंद्रचूड यांनी केली आहे.

निवडणुक आयोगाच्या निर्णयाविरोधातली याचिकेवर उद्या दुपारी ३.३० वाजता सुनावणी होणार असल्याची माहिती मिळत आहे. यामुळे आता शिवसेना आणि धनुष्यबाण कुणाचा? याबाबत पुन्हा न्यायालयीन लढाई सुरू होणार आहे.