एकनाथ शिंदेंचा पहिला मास्टरस्ट्रोक; सुनील प्रभूंची मुख्य प्रतोदपदावरून उचलबांगडी

सुनील प्रभू यांनी सर्व आमदारांना आज होणाऱ्या बैठकीला हजर राहण्यासाठी व्हीप बजावला आहे.
एकनाथ शिंदेंचा पहिला मास्टरस्ट्रोक; सुनील प्रभूंची मुख्य प्रतोदपदावरून उचलबांगडी
Eknath Shinde Latest Marathi News, Uddhav Thackeray Latest Marathi NewsSarkarnama

मुंबई : शिवसेनेकडून एकनाथ शिंदे यांच्यासोबत असलेल्या बंडखोर आमदारांवर कारवाई करण्यासाठी पावले उचलली जात आहेत. त्यानुसार मुख्य विधीमडळातील मुख्य प्रतोद सुनील प्रभू यांनी सर्व आमदारांना आजच्या बैठकीला हजर राहण्यासाठी व्हीप काढला आहे. पण हा व्हीप एकनाथ शिंदे यांनी जुगारून लावत प्रभू यांचीच उचलबांगडी केली आहे. त्यांच्याजागी विधीमंडळ मुख्य प्रतोदपदी भरत गोगावले यांची नियुक्ती केली आहे. (Eknath Shinde Latest Marathi News)

एकनाथ शिंदे यांनी ट्विटरवरून ही माहिती दिली आहे. शिंदे यांनी प्रभू यांच्याजागी आमदार भरत गोगावले यांची नियुक्ती केली आहे. 'शिवसेना विधिमंडळ मुख्य प्रतोद पदी शिवसेना आमदार भरत गोगावले यांची नियुक्ती करण्यात आली आहे. सबब, सुनील प्रभू यांनी आजच्या आमदारांच्या बैठकीबद्दल काढलेले आदेश कायदेशीरदृष्ट्या अवैध आहेत,' असं शिंदे यांनी ट्विटमध्ये म्हटलं आहे.

Eknath Shinde Latest Marathi News, Uddhav Thackeray Latest Marathi News
शिवसेना आक्रमक; बंडखोरांना संध्याकाळी पाचपर्यंत मुदत; अन्यथा कारवाई

गटनेते पदावरून हटवल्यानंतरही हा निर्णय़ बेकायदेशीर असल्याचे शिंदे यांनी म्हटलं होतं. आपल्याकडे बहुमत असल्याने असा निर्णय घेता येत नाही, असंही त्यांनी स्पष्ट केलं होतं. त्यानंतर आता त्यांनी प्रभू यांनी काढलेल्या व्हीपलाही आव्हान दिलं आहे. आपल्याकडील आमदारांच्या बहुमताच्या जोरावर त्यांनी प्रभूंना पदावरून हटवत थेट मुख्यमंत्री ठाकरेंना आव्हान दिले आहे.

काय म्हटलं आहे प्रभू यांनी काढलेल्या व्हीपमध्ये?

पक्षांतर घडवून सरकारला अस्थिर करण्याचा प्रयत्न होत असल्याने आणि त्यामुळे राज्यात निर्माण झालेली राजकीय परिस्थिती लक्षात घेता अशा परिस्थितीला सामोरे जाण्यासाठी बुधवार दि. 22 जून रोजी वर्षा बंगला येथे सायंकाळी पाच वाजता तातडीची बैठक आयोजित केली आहे. या बैठकीस उपस्थिती आवश्यक आहे, याची नोंद घ्यावी, असं प्रभू यांनी म्हटलं आहे.

Eknath Shinde Latest Marathi News, Uddhav Thackeray Latest Marathi News
शिवसेना कुणाची, ठाकरेंची की शिंदेंची ? ; कायदा काय सांगतो..

ही सूचना आपण महाराष्ट्र विधानसभेत नोंदणी केलेल्या ई-मेल पत्त्यावर पाठविली आहे. त्याव्यतिरिक्त आपण समाजमाध्यमे, व्हॉट्स अॅप आणि एस. एम. एस. द्वारेही कळविली आहेत. या बैठकीस लिखित स्वरूपात वैध आणि पुरेशी कारणे प्रदान केल्याशिवाय आपणास गैरहजर राहता येणार नाही, असे नोटिशीमध्ये स्पष्ट करण्यात आलं आहे.

बैठकीस आपण उपस्थित न राहिल्यास आपण स्वेच्छेने शिवसेना पक्षाचे सदस्यत्व सोडण्याचा तुमचा स्पष्ट इरादा आहे, असे मानले जाईल आणि परिणामी आपणावर भारतीय संविधानातील सदस्यांच्या अपात्रतेसंदर्भात असलेल्या तरतूदीनुसार कारवाई करण्यात येईल, याची नोंद घ्यावी, मुख्य प्रतोद सुनिल प्रभू यांनी स्पष्ट केलं आहे. (Eknath Shinde Latest News)

दरम्यान, एकनाथ शिंदे हे आपल्या समर्थक आमदारांसह गुवाहाटीमध्ये दाखल जाले आहेत. आपल्यासोबत अपक्षांसह शिवसेनेचे 46 आमदार असल्याचा दावा शिंदे यांनी केला आहे. आम्ही बाळासाहेब ठाकरे यांच्या हिुंदुत्वाचा विचार घेऊन पुढे जाण्याचे ठरवले असल्याचे शिंदे यांनी स्पष्ट केलं आहे. मागील अडीच वर्षांपासून आमदारांच्या मनात खदखद सुरू होती. आता निर्णय घेण्याची वेळ आल्याचे आमदारांना वाटले, त्यामुळे हा निर्णय़ घेतल्याचेही शिंदे यांनी स्पष्ट केले. (Eknath Shinde in Guwahati with 40 Shiv Sena MLA)

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in