हे तर पोलिसाचं राज्य! आमदाराच्या अटकेवरून न्यायालयानं सरकारला झापलं

आमदाराच्या अटकेवरून मोठा राजकीय गदारोळ
हे तर पोलिसाचं राज्य! आमदाराच्या अटकेवरून न्यायालयानं सरकारला झापलं
Court HammerSarkarnama

गुवाहाटी : गुजरातमधील (Gujrat) काँग्रेसचे (Congress) आमदार जिग्नेश मेवानी (jignesh Mevani) यांच्या अटकेवरून राजकारण तापलं आहे. न्यायालयानं मेवानींना जामीन मंजूर करताना आसाममधील भाजप (BJP) सरकारला झापलं आहे. मेवानी यांच्या विरोधात खोटा गुन्हा दाखल केल्याबद्दलही न्यायालयानं राज्य सरकारला फैलावर घेतलं आहे. महिला पोलिसांशी गैरवर्तन केल्याप्रकरणी दाखल गुन्ह्यात आसाम पोलिसांनी त्यांना अटक केली होती. (Jignesh Mevani News Updates)

मेवानी यांना जामीन देताना सत्र न्यायालयानं राज्य सरकारवर गंभीर स्वरूपाची टीका केली आहे. एका खोटा गुन्हा तयार करून त्यात मेवानी यांना अडकवण्यात आल्याचं निरीक्षण न्यायालयानं आदेशात नोंदवलं आहे. आपण अतिशय कठोर परिश्रमानं मिळवलेल्या लोकशाहीचं रुपांतर पोलिसीराजमध्ये करणं हे विचार करण्यापलिकडचं आहे. मेवानी यांच्या विरोधातील गुन्हा लगेच खरा मानायचा असेल न्यायदंडाधिकाऱ्यांनी संबंधित महिलेचा जबाब नोंदवायला हवा होता. ते इथे घडलेले नाही, असेही न्यायालयानं स्पष्ट केलं आहे.

भाजपने मला अडकवण्यासाठी महिलेचा वापर केल्याचा दावा मेवानी यांनी केला आहे. हा भाजप सरकारचा भ्याडपणा आहे, असा टोलाही त्यांनी लगावला आहे. आसाममध्ये भाजपची सत्ता आहे. दरम्यान, मेवानी यांना पंतप्रधान नरेंद्र मोदी यांच्याबद्दल वादग्रस्त वक्तव्य केल्याप्रकरणी आसाम पोलिसांनी अटक केली होती. या गुन्ह्यात न्यायालयाकडून जामीन मिळाल्यानंतर लगेचच आसाम पोलिसांनी त्यांना दुसऱ्या गुन्ह्यात अटक केली होती. महिला पोलीस कॉन्स्टेबलशी गैरवर्तन केल्याप्रकरणी हा दुसरा गुन्हा त्यांच्यावर दाखल झाला होता. या प्रकरणी अखेर त्यांना जामीन मंजूर झाला आहे.

Court Hammer
उच्च न्यायालयाचा दणका! राज ठाकरेंची सभा रद्द करण्याची मागणी करणाऱ्याला एक लाखाचा दंड

वडगावमधील पालनपूर सर्किट हाऊसमध्ये मेवानी यांना 21 एप्रिलला आसाम पोलिसांनी अटक केली होती. त्या रात्रीच त्यांना अहमदाबादमध्ये नेण्यात आले होते. तिथून रेल्वेने त्यांना आसाममध्ये गुवाहाटीला नेण्यात आले होते. आसाममधील कोक्राझार येथील स्थानिक भाजप (BJP) नेत्यानं मेवानी यांच्या विरोधात पोलिसांकडे तक्रार दिली होती. धार्मिक भावना दुखावना, धार्मिक तेढ निर्माण करणे, असे आरोप मेवानी यांच्यावर करण्यात आले होते. आसाममध्ये पोलिसांनी तक्रार दाखल केल्यानंतर 24 तासांतच मेवानी यांना अटक झाली होती. गुजरातची आगामी विधानसभा निवडणूक डोळ्यासमोर ठेवून ही कारवाई झाल्याचा दावा काँग्रेसनं केला होता.

Court Hammer
गणेश नाईकांना अडचणीत आणणाऱ्या दीपा चौहान राष्ट्रवादीच्या वाटेवर

आसाम पोलिसांनी अटक केल्यानंतर मेवानी यांनी भाजप आणि राष्ट्रीय स्वयंसेवक संघावर हल्लाबोल केला होता. ते म्हणाले होते की, हा तर भाजप आणि राष्ट्रीय स्वयंसेवक संघाचा कट होता. माझी प्रतिमा मलिन करण्याच्या त्यांचा प्रयत्न आहे. ते पद्धतशीरपणे यासाठी पावले उचलत आहेत. आधी त्यांनी रोहित वेमुलाच्या बाबतीत हेच केलं होतं. नंतर चंद्रशेखर आझाद आणि माझ्याबाबतही हेच घडतं आहे. पंतप्रधान कार्यालयातून सुडाचं राजकारण सुरू आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.