Russia Ukraine War : युक्रेनविरुद्धच्या युद्धाला विरोध करणाऱ्या रशियन नागरिकांविरुद्ध कठोर पावले उचलण्याची घोषणा राष्ट्राध्यक्ष व्लादिमीर पुतीन यांनी केली आहे. रशियन सरकार अशा लोकांची मालमत्ता जप्त करणार आहे. व्लादिमीर पुतिन यांच्यावर टीका करणारऱ्या नागरिकांबाबत ही अशीच कारवाई होण्याचे संकेत मिळत आहेत. पुतिन यांच्या अत्यंत जवळच्या मित्राने याबाबत माहिती दिली.
एवढेच नाही तर या युद्धात देश सोडून पळून गेलेल्या नागरिकही अशाच कारवाईला सामोरे जाणार आहेत. अशा प्रकारचं कृत्य करून या लोकांनी देशाचा अपमान केला आहे, असे रशियन सरकारचे मत आहे. हा ठराव रशियाच्या कनिष्ठ सभागृहाच्या अध्यक्षांनी मंजूर केला आहे.
सरकार कठोर पावले उचलत आहे :
अशी कारवाई त्यांच्यावर होणार जे रशियन सरकारलाच परदेशी एजंट म्हणतस आहेत. या लोकांनी युक्रेनसोबतच्या युद्धाला विरोध केला होता आणि नंतर अटक टाळण्यासाठी ते इतर देशांमध्ये पळून गेले होते. रशियाच्या कनिष्ठ सभागृहाचे अध्यक्ष व्याचेस्लाव वोलोदिन म्हणाले की, आपल्या काही नागरिकांना रशिया, तेथील सैनिक, अधिकारी यांचा अपमान करणे आणि शत्रू आणि खुन्यांना उघडपणे समर्थन करणे सोपे वाटते. अशा लोकांचा हेतू स्पष्ट असल्याचे ते म्हणाले. या लोकांनापरदेशात राहून आपले हित वाटत आहे.
देशाची बिघडणारी प्रतिमा :
वोलोदिन पुढे म्हणाले की, अशा लोकांसाठी एकमेव उपाय म्हणजे सशस्त्र दल नाही. परदेशात राहून हे लोक आपली मालमत्ता भाड्याने ठेवतात. रशियन नागरिकांच्या खर्चावर स्वत: साठी पैसे गोळा करतो. दुसरीकडे, हे लोक उघडपणे रशियाची प्रतिमा मलीन करतात. ते आमचे सैनिक आणि अधिकारी यांचा अपमान करतात. एवढं करूनही ते यातून वाचतील आणि न्याय व्यवस्था त्यांच्यापर्यंत पोहोचणार नाही, असं त्या लोकांना वाटतं. महत्त्वाचे म्हणजे, व्याचेस्लाव वोलोडदिन हे 2016 पासून कनिष्ठ सभागृहाचे अध्यक्ष आहेत. याआधी त्यांनी राष्ट्रपती प्रशासनात वरिष्ठ पद भूषवले होते.
पुतिन यांच्या टीकाकारांची अवस्था काय आहे ?
विशेष म्हणजे रशिया आणि युक्रेनमध्ये युद्ध सुरू झाल्यानंतर त्यावर सातत्याने टीका होत आहे. या मुद्द्यावरून रशियात राष्ट्राध्यक्ष पुतिन यांना कडाडून विरोध केला जात आहे. त्याचबरोबर पुतीन यांच्यावर टीका करून अनेक लोक देश सोडून पळून जात आहेत. त्याच वेळी, रशियामध्ये पुतीन यांच्या अनेक टीकाकारांचा मृत्यू झाला आहे. रशियामध्ये पुतीन यांच्या विरोधकांना जाणीवपूर्वक बाजूला केले जात असल्याचा आरोपही एका वर्गाकडून केला जात आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
