ओमिक्रॉनच्या रुग्णसंख्येत 24 तासांत 18 टक्के वाढ; मोदी आज मोठी घोषणा करणार

देशातील ओमिक्रॉन (Omicron) रुग्णांच्या संख्येत मागील 24 तासांत 18 टक्के वाढ झाली आहे.
ओमिक्रॉनच्या रुग्णसंख्येत 24 तासांत 18 टक्के वाढ; मोदी आज मोठी घोषणा करणार

Omicron

Sarkarnama

नवी दिल्ली : कोरोना (Covid-19) विषाणूच्या ओमिक्रॉन (Omicron) या नव्या प्रकाराने आता डोके वर काढलं आहे. देशातील ओमिक्रॉन रुग्णांच्या संख्येत मागील 24 तासांत 18 टक्के वाढ झाली आहे. ओमिक्रॉन रुग्णांची संख्या आता 236 झाली असून, सर्वाधिक 65 रुग्ण महाराष्ट्रात आहेत. यामुळे महाराष्ट्राने पुन्हा एकदा केंद्र सरकारची चिंता वाढवली आहे. यामुळे पंतप्रधान नरेंद्र मोदींनी (Narendra Modi) आज तातडीने आढावा बैठक बोलावली असून, या बैठकीकडे सगळ्यांचे लक्ष लागले आहे.

डेल्टाच्या जागी आता ओमिक्रॉनचा प्रादुर्भाव वाढू लागला आहे. यामुळे तिसरी लाट (Third Wave) पुढील वर्षाच्या सुरवातीला येईल, असा अंदाज आहे. ओमिक्रॉन हा अतिशय वेगाने संसर्ग होणारा आहे. यामुळे केंद्रासह राज्यांच्या आरोग्य यंत्रणा धास्तावल्या आहेत. केंद्र सरकार यामुळे खडबडून जागे झाले आहे. पंतप्रधान मोदींना यासाठी तातडीने आढावा बैठक बोलावली आहे. ही बैठक आज होणार आहे. या बैठकीत केंद्र सरकार संसर्ग रोखण्यासाठी मोठा निर्णय घेण्याची शक्यता आहे, अशी माहिती सूत्रांनी दिली.

<div class="paragraphs"><p>Omicron</p></div>
विरोधकांना मोठा धक्का! अधिवेशनात आता तेरावा सदस्य निलंबित

केंद्रीय आरोग्य मंत्रालयाने दिलेल्या माहितीनुसार, देशातील कोरोना रुग्णसंख्या आता 236 झाली आहे. महाराष्ट्रात सर्वाधिक 65 रुग्ण आहेत. यानंतर दिल्ली 64 आणि तेलंगण 24 अशी रुग्णसंख्या आहे. आतापर्यंत 104 रुग्णांनी ओमिक्रॉनवर मात केली आहे. मागील 24 तासांत देशात कोरोनाचे 7 हजार 495 नवीन रुग्ण सापडले. मागील 24 तासांत कोरोनामुळे 434 जणांचा मृत्यू झाला आहे. देशभरात आतापर्यंत एकूण 4 लाख 78 हजार 759 जणांचा कोरोनामुळे मृत्यू झाला आहे.

<div class="paragraphs"><p>Omicron</p></div>
निलंबित होताच सदस्यानं सरकारलाच आणलं अडचणीत

डेल्टाच्या जागी आता ओमिक्रॉनचा प्रादुर्भाव वाढू लागला आहे. यामुळे तिसरी लाट (Third Wave) पुढील वर्षाच्या सुरवातीला येईल, अशी माहिती नॅशनल कोविड-19 सुपरमॉडेल कमिटीने केंद्र सरकारला दिली आहे. या समितीचे अध्यक्ष हे प्रा. विद्यासागर हे आहेत. त्यांनी म्हटले आहे की, भारतात ओमिक्रॉनमुळे कोरोनाची तिसरी लाट येणार आहे. परंतु, ही लाट दुसऱ्या लाटेपेक्षा सौम्य असेल. तिसरी लाट भारतात पुढील वर्षीच्या सुरवातीला येईल. ही लाट फेब्रुवारी महिन्यात उच्चांकी पातळीवर पोचेल. सध्या देशात दररोज कोरोनाचे साडेसात हजार रुग्ण सापडत आहेत. डेल्टाच्या जागा ओमिक्रॉनने घेतल्यानंतर ही संख्या वाढेल.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in