Karnataka Politics: कर्नाटक विधानसभेच्या निवडणुकीच्या 224 जागांसाठी दि.13 मे रोजी मतदान पार पडलं. मतदानानंतर लगेच विविध एक्झिट पोलही समोर आले. काँग्रेस हा सर्वाधिक मोठा पक्ष ठरणार असल्याचे जवळपास सगळ्याच एक्झिट पोलमध्ये म्हटले आहे. तर सत्ताधारी भाजप दुसऱ्या क्रमांकावर तर जेडीएस तिसऱ्या क्रमांकावर राहिल, अशी शक्यता एक्झिट पोलमध्ये वर्तवण्यात आली.
कर्नाटक निवडणुकीच्या निकालाला अवघे काही तास बाकी असतानाच काँग्रेसमध्ये दोन गट पडल्याची चर्चा राजकीय वर्तुळात सुरू झाली आहे. निकालापूर्वीच काँग्रेसमध्ये मुख्यमंत्रीपदावरून रस्सीखेच सुरू असल्याची चर्चा आहे. याबरोबरच काँग्रेसमधील नेत्यांच्या राजकीय हालचालींना देखील वेग आल्याचं बोललं जात आहे.
काँग्रेसचे राष्ट्रीय प्रवक्ते गौरव वल्लभ यांनी एका वृत्तवाहिनीला प्रतिक्रिया देताना या सर्व चर्चा फेटाळून लावल्या आहेत. "ही सर्व अफवा असून 40 टक्के भ्रष्टाचारवाले लोक ही अफवा पसरवत आहेत. काही लोकं सिंगापूरला आणि काही लोक बँकॉकला जात आहे", असं म्हणत त्यांनी विरोधकांना टोला लगावला.
"'एक्झिट पोल'नुसार काँग्रेसला सर्वाधिका जागा येत आहेत. कर्नाटकच्या लोकांनी आम्हाला आशीर्वाद दिला आहे. उद्या कर्नाटकच्या नवीन भविष्याचा पहिला सूर्यकिरण उगवणार आहे. काही लोकं सिंगापूर अन् बँकॉकला जात आहेत. मात्र, आम्हाला बंगळुरूमध्ये राहून लोकांची सेवा करायची आहे", असं ते म्हणाले.
दरम्यान, कर्नाटक विधानसभा निवडणुकीचा निकाल उद्या (दि.13 मे ) समोर येणार आहे. निकालानंतर कर्नाटकमध्ये कोणत्या पक्षाला किती जागा मिळतील? कोणत्या पक्षाला बहुमत मिळण्याची शक्यता आहे. याबरोबरच कोणत्या पक्षाचे सरकार येऊ शकतं? हे सर्व उद्या निकालानंतर समोर येणार असून निकालाकडे सर्वांचे लक्ष लागले आहे.
(Edited By : Ganesh Thombare)
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
