Narendra Modi News : 'विरोधकांनी EVM ला शिव्या दिल्या का?' : मोदींनी काढला चिमटा!

Narendra Modi News : ईशान्यमधील तीन राज्यातील विधानसभा निवडणुकीत सर्व जागांच्या निकाल लागले चित्र स्पष्ट होत आहे. त्रिपुरा आणि नागालँडमध्ये भाजपने गड राखला आहे, तर मेघालयात त्रिशंकुची परिस्थिती निर्माण झाली आहे. आजच्या या निकालावर पंतप्रधान नरेंद्र मोदींनी भाजपच्या यशाचे रहस्य सांगितले आहे.

पंतप्रधान मोदी म्हणाले, भाजपच्या सततच्या विजयामुळे विरोधकांच्या पोटात दुखत आहे. ते म्हणतात की, भाजपच्या विजयाच्या रहस्य काय आहे. मी अजूनही टिव्ही लावून पाहिला नाही. म्हणून, विरोधक ईव्हीएमला दोष देत आहेत का? याची मला माहिती नाही, असा चिमटा मोदींनी आजच्या निकालाच्या पार्श्वभूमिवर काढला.

मोदी यांनी भाजपच्या यशाचे रहस्य सांगितले, "भाजप सरकारचं काम, भाजप सरकरची कार्यसंसकृती, आणि भाजपचा सेवाभाव , या त्रिवेणी संगमामुळे भाजपचा सातत्याने विजय होत आहे. हे त्रिवेणी संगम मिळून भाजपला यश मिळवून देते. आम्ही देशाला एक राजकीय संस्कृती दिली. या देशाला विकासाचं मॉडेल देशाला दिला. भाजप सरकारच्या कामात भेदभाव नसतो. आमच्यासाठी 'एक भारत - श्रेष्ठ भारत' हे त्रिसूत्री आहे. आमच्यासाठी देश प्रथम आहे, देशवासी प्रथम आहे, असे मोदी म्हणाले.