Delhi News : संसदेच्या विशेष अधिवेशनाचा आज दुसरा दिवस आहे. पहिल्या दिवसाच्या कामकाजात संसद भवनाच्या जुन्या इमारतीबाबत लोकसभा आणि राज्यसभेत चर्चा झाली. आजचा दिवस ऐतिहासिक ठरणार आहे. पंतप्रधान नरेंद्र मोदींसोबत लोकसभा आणि राज्यसभेचे खासदार पायी चालत संसद भवनाच्या नवीन इमारतीत दाखल होणारआहेत. गणेश चतुर्थीच्या दिवसापासून नवीन इमारतीत कामकाज सुरू होत आहे. दरम्यान, या वेळी काँग्रेसचे अध्यक्ष मल्लिकार्जुन खर्गे यांनी आपल्या भावना व्यक्त केल्या. (Latest Marathi News)
मल्लिकार्जुन खर्गे म्हणाले, "संसद भवन वास्तूचा प्रत्येक कोपरा आपल्या 75 वर्षांच्या संसदीय लोकशाहीचा साक्षीदार आहे. अशा परिस्थितीत हे सदन सोडताना भावुक होणे स्वाभाविक आहे. संसदेच्या नवीन इमारतीत आम्ही आमची जबाबदारी पार पाडणार आहोत. परंतु ही इमारत आमच्या आठवणीत राहील. आम्ही संसदीय परंपरा आणि लोकशाही तत्त्वांचे रक्षण करत राहू आणि देशाच्या विकासासाठी काम करू."
"भारतीय लोकशाहीच्या इतिहासावर चर्चा करण्यासाठी आम्ही सर्वच ऐतिहासिक सेंट्रल हॉलमध्ये एकत्र आलो आहोत. हे सभागृह अत्यंत महत्त्वाचे आहे. हे तेच सेंट्रल हॉल आहे जिथे संविधान समितीच्या बैठका झाल्या. आज आपण डॉ. राजेंद्र प्रसाद, पंडित नेहरू आणि सरदार वल्लभभाई पटेल यांच्या योगदानाचे स्मरण करूया," असेही खर्गे म्हणाले.
"डॉ. बाबासाहेब आंबेडकर यांच्या स्मृतीस विनम्र अभिवादन. जी. बी. मालवणकर, डॉ. सर्वपल्ली राधाकृष्णन यांचे योगदान आठवण्याची वेळ आली आहे. या सेंट्रल हॉलमध्ये पंडित नेहरूंनी स्वातंत्र्याच्या दिवशी भाषण दिले होते. काल पंतप्रधानांनीही आपल्या भाषणात नेहरूजींच्या भाषणाचा उल्लेख केला होता, यासाठी मी त्यांचा आभारी आहे," असेही खर्गे म्हणाले.
(Edited by - Chetan Zadpe)
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
