सिद्धू मूसेवालाच्या हत्येचं गूढ अखेर उलगडलं; पोलिसांकडून मुख्य सूत्रधाराला अटक

पोलीस बनावट चकमकीत ठार करण्याची होती भीती
सिद्धू मूसेवालाच्या हत्येचं गूढ अखेर उलगडलं; पोलिसांकडून मुख्य सूत्रधाराला अटक
Lawrence BishnoiSarkarnama

नवी दिल्ली : पंजाबमधील (Punjab) काँग्रेसचा (Congress) नेता व प्रसिद्ध गायक सिद्धू मूसेवाला (Sidhu Moose Wala) याची हत्या करण्यात आली. या हत्या प्रकरणामुळं राज्यभरात तणावाचं वातावरण निर्माण झालं आहे. सिद्धूच्या हत्येमागे गँगवॉर हेच कारण असल्याचा पोलिसांचा अंदाज आहे. या प्रकरणी पोलिसांनी पहिली अटक केली आहे. या हत्येची जबाबदारी स्वीकारणाऱ्या गँगस्टर लॉरेन्स बिष्णोईला दिल्ली पोलिसांच्या विशेष शाखेनं तिहार तुरुंगातून ताब्यात घेतलं. अभिनेता सलमान खानही त्याच्या हिटलिस्टवर असल्याचं मागे समोर आलं होतं. (Sidhu Moose Wala News Updates)

गँगस्टर बिष्णोई दिल्लीतील तिहार कारागृहात होता. पंजाब पोलीस मला चकमकीत ठार मारतील, अशी भीती व्यक्त करीत बिष्णोईने न्यायालयात धाव घेतली होती. त्याचा ताबा पंजाब पोलिसांकडे देऊ नये, अशी मागणी त्यानं न्यायालयाकडं केली होती. या सर्व घडामोडींच्या पार्श्वभूमीवर विष्णोईच्या जिवाला धोका निर्माण होण्याची शक्यता असल्यानं दिल्ली पोलिसांनी तिहारमध्ये असलेल्या बिष्णोईची सुरक्षा वाढवली होती. त्यानेच कारागृहात बसून सिद्धूच्या हत्येचा कट रचल्याचा पोलिसांना संशय आहे. यामुळं अखेर दिल्ली पोलिसांच्या विशेष शाखेनं एका जुन्या गुन्ह्यात त्याला अटक केली आहे. न्यायालयानं त्याला पाच दिवसांची पोलीस कोठडी सुनावली आहे. सिद्धूच्या हत्येबाबत त्याच्याकडं चौकशी करण्यात येणार आहे. (Lawrence Bishnoi arrested in Sidhu Moose Wala murder case)

Lawrence Bishnoi
गायक सिद्धू मूसेवालाला साश्रूनयनाने निरोप; उसळला हजारोंचा जनसागर

बिष्णोईचा कॅनडास्थित सहकारी गोल्डी ब्रार याने या हत्येची जबाबदारी बिष्णोई गँगची असल्याचे सोशल मीडियावर म्हटलं आहे. लॉरेन्स बिष्णोई गँग आणि तो स्वत: या हत्येमागे असल्याचं गोल्डीनं म्हटलं आहे. अकाली दलाचा तरुण नेता विकी मिद्दुखेरा याच्या हत्या प्रकरणात सिद्धूचे नावही होते, असा दावाही त्यानं केला आहे. त्यानं म्हटलं आहे की, आमचा भाऊ विक्रमजितसिंग मिद्दुखेरा आणि गुरलाल ब्रार यांच्या हत्येत मूसेवालाचे नाव समोर आले होते. परंतु, पंजाब पोलिसांनी त्याच्यावर कोणतीही कारवाई केली नाही. याचबरोबर आमचा सहकारी अंकित भादू याच्या एन्काउंटरमागेही मूसेवालाचा हात असल्याचं आम्हाला समजलं होतं. मूसेवाला हा आमच्या विरोधात काम करत होता.

Lawrence Bishnoi
सिद्धू मूसेवालानंतर आणखी एक पंजाबी गायक हिटलिस्टवर!

अकाली दलाचा तरुण नेता विक्रमजितसिंह ऊर्फ विकी मिद्दुखेरा याची मागील वर्षी 7 ऑगस्टला हत्या झाली होती. या हत्या प्रकरणात सिद्धूचा मॅनेजर शगुनप्रीतसिंग याचे नाव आले होते. त्याने कौशल गँगला सुपारी देऊन ही हत्या केल्याची चर्चा सुरू होती. यानंतर तो ऑस्ट्रेलियाला पळून गेला. या हत्येचा सूड उगवण्यासाठी सिद्धूची हत्या करण्यात आली. हा प्रकार दोन गँगमधील वादातून झाला आहे. यामागे लॉरेन्स बिष्णोई गँग असल्याचं पोलिसांचं म्हणणं आहे.

Lawrence Bishnoi
धक्कादायक! सिद्धू मूसेवालाच्या शरीरावर 24 गोळ्यांच्या जखमा अन् कवटीत आढळली एक गोळी

पोलिसांनी दिलेल्या माहितीनुसार, सिद्धू मूसेवाला हा त्याच्या गाडीतून जात असताना दोन गाड्यातून हल्लेखोर त्याचा पाठलाग करीत होते. जवाहरके गावात त्यांनी सिद्धूच्या गाडीवर गोळीबर केला. यात तो जागीच ठार झाला. दोन गुन्हेगारी टोळ्यांतील अंतर्गत संघर्षातून हा प्रकार झाल्याचा संशय आहे. हल्लेखोरांनी रशियन बनावटीच्या एएन-94 रायफलींचा वापर केला. सिद्धू याच्यावर 30 गोळ्या झाडण्यात आल्या. त्या किमान तीन रायफलींमधून झाडण्यात आल्या. हल्लेखोरांनी नंतर त्याचा मृत्यू झाल्याची खातरजमा करूनच तेथून पलायन केलं. सिद्धूबरोबर असलेले दोन जण जखमी असून, त्यांची प्रकृती स्थिर आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in