Karnataka Result : कर्नाटकच्या शेवटच्या जागेसाठी काटे की टक्कर; काँग्रेस उमेदवार निसटत्या २९४ मतांनी आघाडीवर !

Karnataka Assembly Elections Result 2023 : कर्नाटकात काँग्रेसने बहुमतापेक्षाही जास्त जागा मिळवत निर्भेळ यश मिळवले आहे. बऱ्याच मोठ्या कालखंडानतंर या दणदणीत विजयामुळे काँग्रेस नेते राहुल गांधी यांच्यासह काँग्रेसमध्ये चैतन्याचं वातावरण पसरले आहे. कर्नाटक जिंकण्यासाठी पंतप्रधान नरेंद्र मोदी आणि अमित शाह यांनी सभा आणि रँली करत जंगजंग पछाडले होते. मात्र इथे भाजपला विजयी करण्यात मोदींचा करिश्मादेखील प्रभाव दाखवू शकला, भाजपला नाकारत कर्नाटकच्या जनतेने काँग्रेसला संधी दिली. 

कर्नाटकाच्या २२४ जागांपैकी २२३ जागांचे निकाल जाहीर झाले आहे. तर एका जागेचा निकाल अद्याप यायचा आहे. रात्रीचे दहा वाजत आले तरी ही निकाल अद्याप लागलेला नाही. असे असले तरी शेवटच्या विधानसभा जागेसाठी काँग्रेस- भाजपमध्ये काटे की टक्कर होत आहे. कर्नाटकच्या मतदारसंघ क्र. १७३ जयानगर या ठिकाणी भाजप आणि काँग्रेसमध्ये काटे ची लढत अजूनही सुरू आहे. काँग्रेसच्या उमेदवार सौम्या रेड्डी या २९४ मतांनी आघाडीवर आहेत.

काँग्रेस उमेदवार रेड्डी यांनी ५७५९१ मते पडली आहेत. तर भाजप उमेदवार सी के रामामुर्ती यांना ५७२९७ मते पडली आहेत. भाजप उमेदवार रामामुर्ती २९७ मतांनी पिछाडीवर आहेत. आतारर्यंत १६ फेऱ्यांची मतमोजणी झाली आहे. काही मतमोजणीच्या फेऱया अजूनही बाकी आहेत. ही सर्व माहिती भारतीय निवडणूक आयोगाच्या बेबसाईटवर अधिकृत माहिती आहे.