पीएसआय भरती गैरव्यवहाराचं पुणे कनेक्शन; भाजपच्या फरार महिला नेत्याला अटक

पीएसआय पदासाठी लावली होती 60 लाखांची बोली
पीएसआय भरती गैरव्यवहाराचं पुणे कनेक्शन; भाजपच्या फरार महिला नेत्याला अटक
Divya Hagaragi News, PSI Recruitment Scam News UpdatesSarkarnama

बंगळूर : कर्नाटकातील पोलीस उपनिरीक्षक (PSI) भरती परीक्षा गैरव्यवहारप्रकरणी भाजप (BJP) नेत्या दिव्या हागरगी (Divya Hagargi) यांच्यासह सहा जणांविरुद्ध अटक वॉरंट काढण्यात आले होते. यानंतर गायब झालेल्या हागरगी अटकपूर्व जामिनासाठी न्यायालयात धाव घेतली होती. न्यायालयाने त्यांची याचिका फेटाळल्यानंतर पोलिसांची त्यांचा कसून शोध सुरू केला होता. अखेर त्यांना पुण्यातून अटक केली आहे. (PSI Recruitment Scam News Updates)

कर्नाटकातील पोलीस उपनिरीक्षक भरती परीक्षा गैरव्यवहारामुळे वातावरण तापलं आहे. प्रत्येक उमेदवाराकडून लाच म्हणून ६० लाख रुपये घेण्याचा करार झाला होता. या उमेदवारांनी पेपर लिहिण्यासाठी मायक्रो ब्लूटूथचा वापर केल्याची बाब ‘सीआयडी’ तपासात समोर आली होती. या प्रकरणी अडचणीत आल्यानंतर दिव्या हागरगी या फरार झाल्या होत्या. अखेर त्यांनी कर्नाटक पोलिसांच्या गुन्हे अन्वेषण विभागाने पुण्यातून ताब्यात घेतले. या प्रकरणी अटक झालेल्या दिव्या या अठराव्या आरोपी आहेत. याआधी त्यांचे पती राजेश हागरगी यांना अटक करण्यात आला होती पण दिव्या फरार झाल्या होत्या.

Divya Hagaragi News, PSI Recruitment Scam News Updates
देशमुखांना दिलासा नाहीच! तुरुंगातील मुक्काम आणखी वाढला

गुन्हे अन्वेषण विभागाने (सीआयडी) याप्रकरणी ज्ञान ज्योती इंग्लिश मीडियम स्कूलच्या अध्यक्षा दिव्या हागरगी, शाळेचे मुख्याध्यापक काशिनाथ, अर्चना आणि शांतीबाई या शिक्षिका आणि कनिष्ठ अभियंता मंजुनाथ मेळकुंडी यांच्याविरुद्ध अटक वॉरंट काढण्याची मागणी न्यायालयाला केली होती. न्यायालयाने ही मागणी मान्य करून या आरोपींच्या विरोधात अटक वॉरंट काढले होते. तसेच, आरोपींना एका आठवड्यात तपास यंत्रणेसमोर शरण येण्याचे निर्देशही दिले होते.

Divya Hagaragi News, PSI Recruitment Scam News Updates
नवनीत राणांना व्हायचंय केंद्रात मंत्री! खासदार तुमानेंचा गौप्यस्फोट

अमृत पॉल यांची बदली

राज्य सरकारने पीएसआय भरती गैरव्यवहार प्रकरणी भरती विभागातील वरिष्ठ अधिकारी अमृत पॉल यांची बदली केली आहे. 1995 च्या बॅचचे आयपीएस अधिकारी अमृत पॉल यांची भरती विभागातून अंतर्गत सुरक्षा दलाच्या अतिरिक्त महासंचालकपदी बदली केली आहे. अमृत ​​पॉल हे पीएसआय भरती गैरप्रकारात सहभागी असल्याचा आरोप काँग्रेसने केला होता. काँग्रेसने आवाज उठवल्यानंतर पॉल यांची बदली झाली आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.