Jantar Mantar Wrestlers Protest : क्रिडा मंत्र्यांच्या आश्वासनानंतर खेळाडूंचे आंदोलन मागे: पण...

Jantar Mantar Wrestlers Protest केंद्रीय क्रिडा मंत्री अनुराग सिंह ठाकुर यांच्यासोबत सात तास चाललेल्या बैठकीनंतर खेळाडूंनी राजधानी दिल्लीतील जंतरमंतर मैदानातील आंदोनल अखेर आंदोलन मागे घेतले.

भारतीय कुस्ती महासंघाचे अध्यक्ष बृजभूषण शरण सिंह यांच्याविरोधात महिला पहलवानांनी लैंगिक शोषणाचे गंभीर आरोप करत बृजभूषण शरणसिंहला हटवण्याची आणि महासंघ बरखास्त करण्याची मागणीसाठी केली होती. यासाठी आंतराराष्ट्रीय स्तरावरील खेळाडू राजधानी दिल्लीतील जंतरमंतरवर मैदानात १८ जानेवारीपासून धरणे आंदोलन करत होते.

दरम्यान, बृजभुषण सिंह यांच्यावरील आरोपांप्रकरणी भारतीय ऑलम्पिक संघाने 7 सदस्यीय समितीची घोषणा केली आहे. ही समिती बृजभूषण सिंह यांच्यावर करण्यात आलेल्या आरोपासंदर्भात चार आठवड्यांच्या आत चौकशी करणार असून या समितीत मैरी कॉम, डोला बॅनर्जी, अलकनंदा अशोक, योगेश्वर दत्त, सहदेव यादव आणि कायदा तज्ज्ञांचा समावेश असेल. असेही सांगण्यात आले आहे.

तोपर्यंत बृजभूषण शरण सिंह कुस्ती महासंघापासून स्वतःला लांब राहतील आणि चौकशीत सहकार्य करतील. तोपर्यंत कुस्ती महासंघांचे काम एक समिती करेल, असेही ठाकुर यांनी सांगितले आहे. दरम्यान, खेळाडूंच्या समस्या जाणून घेण्यासाठी अनुराग ठाकूर यांनी १९ जानेवारीलाही या सर्व खेळाडूंना जेवणासाठी आमंत्रित केलं होतं. पण, या डीनर डिप्लोमसीत कुठलाही तोडगा निघाला नाही. आता क्रीडा मंत्रालयाने कुस्ती महासंघाला आपलं म्हणणं मांडण्यासाठी 72 तासांचा वेळ दिला आहे. तोपर्यंत बृजभूषण शरण सिंह यांना वेळ देणे आवश्यक असल्याचंही सरकारचं म्हटलं आहे.