Gujarat Election 2022 : भारत जोडो यात्रा सोडून राहुल गांधी गुजरातच्या मैदानात, कारण...

Gujarat Election 2022 : भारत जोडो यात्रेतून विश्रांती घेत काँग्रेस खासदार राहुल गांधी (Rahul Gandhi) गुजरातमध्ये दाखल झाले आहेत. गुजरात राज्याच्या विधानसभा जाहीर झाल्याने राहुल गांधी दोन दिवसांसाठी भारत जोडो यात्रेून विश्रांती घेत आज गुजरातमध्ये प्रचार करणार आहेत. या ठिकाणी आज त्यांच्या दोन सभा होणार असून पहिली दुपारी दोन वाजता सुरतमध्ये आणि दुसरी संध्याकाळी सव्वाचार वाजता ही राजकोटमध्ये प्रचारसभा घेणार आहे.

काल (२० नोव्हेंबर) पंतप्रधानांनी केलेल्या कालच्या टीकेवर काय उत्तर देतात याकडे सर्वांचे लक्ष लागले आहे. काल झालेल्या जाहीर सभेत पंतप्रधान नरेंद्र मोदी यांनी राहुल गांधी आणि 'भारत जोडो यात्रे'वर टीकास्त्र सोडले होते. 'ज्यांनी मागील तीन दशकांपासून नर्मदा धरणाच्या कामाला रोखून धरलं, त्याच महिलेसोबत काँग्रेस नेते पदयात्रा करत आहेत.' अशा शब्दात मोदींनी राहुल गांधींवर निशाणा साधला आहे.

मेधा पाटकर नर्मदा धरण प्रकल्पाला मागील तीन दशकापासून विरोध करत आहेत. २०१७ साली भाजपने सरदार सरोवर प्रकल्पाचं उद्घाटन केलं तेव्हा या प्रकल्पामुळे हजारो आदिवासी विस्थापित होऊ शकतात, असा पवित्रा घेत पाटकर यांनी नर्मदा प्रकल्पाला विरोध केला. या प्रकल्पात सतत कायदेशीर अडथळे निर्माण केले गेल्याने नर्मदा नदीवरील सरदार सरोवर धरणाचं बांधकाम थांबलं. मेधा पाटकर यांनी गुजरातची बदनामी केल्याचाही आरोप भाजपकडून सतत केला जात होता.

मेधा पाटकर नर्मदा धरण प्रकल्पाला मागील तीन दशकापासून विरोध करत आहेत. २०१७ साली भाजपने सरदार सरोवर प्रकल्पाचं उद्घाटन केलं तेव्हा या प्रकल्पामुळे हजारो आदिवासी विस्थापित होऊ शकतात, असा पवित्रा घेत पाटकर यांनी नर्मदा प्रकल्पाला विरोध केला. या प्रकल्पात सतत कायदेशीर अडथळे निर्माण केले गेल्याने नर्मदा नदीवरील सरदार सरोवर धरणाचं बांधकाम थांबलं. मेधा पाटकर यांनी गुजरातची बदनामी केल्याचाही आरोप भाजपकडून सतत केला जात होता.

याची आठवण करुन देत पंतप्रधानांनी त्यांच्यावर टिका केली. ''नर्मदा धरणाच्या विरोधात असलेल्यांच्या खांद्यावर हात ठेवून तुम्ही पदयात्रेत कसे सहभागी झाले होते, असा सवाल काँग्रेसला विचारा, नर्मदा धरण बांधले नसते तर काय झाले असते? असा सवाल राहुल गांधींना विचारा, असा सल्लाही त्यांनी दिला होता.