Uttar Pradesh : मोठी बातमी! गँगस्टर अतिक अहमद अन् अश्रफ अहमदचा गोळीबारात मृत्यू

Uttar Pradesh : उत्तर प्रदेशातील गँगस्टर अतिक अहमद आणि त्याचा भाऊ अश्रफ अहमद या दोघांची गोळी घालून हत्या करण्यात आल्याची माहिती समोर येत आहे.

दोन-तीन जणांनी केलेल्या गोळीबारात या दोघांचा मृत्यू झाला आहे. प्रयागराज या ठिकाणी वैद्यकीय चाचणीसाठी नेत असताना अतिक अहमद आणि अश्रफ अहमदची हत्या झाल्याचे वृत्त आहे.

अतिक अहमदवर उत्तर प्रदेशमध्ये अनेक गंभीर गुन्हे नोंद आहेत. अतिक अहमद आणि त्याचा भाऊ अशरफ अहमदला उत्तर प्रदेशच्या प्रयागराज येथे वैद्यकीय उपचारासाठी नेत असताना हा प्रकार घडला असल्याची माहिती समोर येत आहे.

अतिक अहमदवर उत्तर प्रदेशमध्ये अनेक गंभीर स्वरुपाच्या गुन्ह्यांची नोंद आहे. तर दोन दिवसांपूर्वी गँगस्टर अतिक अहमदच्या मुलाचा एनकाउंटर झाला होता.

अतिक अहमद 2005 मध्ये बसपा आमदार राजू पाल हत्याकांड आणि यावर्षी फेब्रुवारीमध्ये झालेल्या उमेश पाल हत्याकांडातही प्रमुख आरोपी होता.

(Edited By Ganesh Thombare)