गुप्तेश्वर पांडेंनी खाकी सोडून परिधान केली भगवी वस्त्रे!

अभिनेता सुशांतसिंह राजपूत मृत्यू प्रकरणामुळे चर्चेत आलेले बिहारचे माजी पोलिस महासंचालक गुप्तेश्‍वर पांडे आता नव्या अवतारात लोकांपुढे आले आहे.
former bihar dgp gupteshwar pandey turns religious preacher
former bihar dgp gupteshwar pandey turns religious preacher

पाटणा :   बिहारचे (Bihar) माजी पोलीस महासंचालक (DGP) गुप्तेश्‍वर पांडे (Gupteshwar Pandey) आता नव्या अवतारात लोकांपुढे आले आहे. खाकी वर्दी सोडल्यानंतर आता त्यांनी भगवी वस्त्रे परिधान केली असून, ते प्रवचनकाराच्या भूमिकेत शिरले आहेत. देवाची लीला, परलोक आणि श्रीरामाच्या कथा आता ते  भाविकांपुढे सादर करीत आहे. 

सोनपूरच्या हरिहर मंदिरात पांडे आता नियमितपणे प्रवचन करना दिसू लागले आहेत. मंदिराच्या अतिथीगृहाची त्यांनी रंगरंगोटीही केली आहे. पाटणा विद्यापीठातून त्यांनी उच्च शिक्षण घेतलेले असून, अनेकदा हरिद्वारला जाऊनही ते रामकथा ऐकवतात. भक्तीमार्गाने जाणारे पांडे हे बिहारमधील पहिलेच आयपीएस अधिकारी नाहीत. त्यांच्याआधी किशोर कुणाल या अधिकाऱ्याने सेवेचा राजीनामा देऊन पाटण्यातील हनुमान मंदिराची जबाबदारी स्वीकारली होती. अयोध्येतील राम मंदिराच्या जमिनीच्या वादात ते पक्षकारही होते. 

सुशांत मृत्यू प्रकरणात तत्कालीन पोलीस महासंचालक पांडे यांनी केंद्रीय अन्वेषण विभागामार्फत (सीबीआय) चौकशी करण्याची मागणी लावून धरली होती. त्यानंतर गुप्तेश्वर पांडे यांनी अचानक स्वेच्छानिवृत्ती जाहीर केली होती. त्यांचा अर्ज तातडीने राज्य सरकारने मंजूर केला होता. मुख्यंत्री नितीशकुमार यांच्या उपस्थितीत त्यांनी संयुक्त जनता दलात (जेडीयू) प्रवेश केला होता. नितीशकुमार यांच्या निवासस्थानी हा कार्यक्रम झाला होता. सुशांत प्रकरणी त्यांनी घेतलेली भूमिका अखेर त्यांच्यासाठी लाभदायी ठरल्याचे चित्र होते.   

गुप्तेश्वर पांडे यांनी जेडीयूमध्ये प्रवेश केला होता. पांडे हे मूळचे बक्सर भागातील असल्याने त्यांना तेथून उमेदवारी मिळण्याची शक्यता होती. मात्र, तेथील दोन्ही मतदारसंघ जागा वाटपात भाजपकडे गेल्याने जेडीयूने त्यांना तिकिट नाकारले होते. पांडे हे १९८७च्या बॅचचे आयपीएस अधिकारी आहेत. अभिनेता सुशांतसिंह याच्या मृत्यूनंतर केलेल्या वक्तव्यांमुळे ते चर्चेत आले होते.

राज्यात २०१९मध्ये झालेल्या विधानसभा निवडणुकीचे तिकीट मिळेल, अशी त्यांना आशा होती. परंतु तसे घडले नाही. यापूर्वी २०१४मध्येही त्यांनी स्वेच्छानिवृत्ती घेऊन बक्सर लोकसभा मतदारसंघातून नशीब आजमावले होते परंतु, यश मिळाले नव्हते. त्यावेळी स्वेच्छा निवृत्तीचा अर्ज मंजूर झाला नसल्याने ते पुन्हा पोलीस दलात रुजू झाले होते. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com