उत्तर कोरियात कोरोनाचा पहिला रुग्ण सापडला! किम जोंग उन यांच्याकडून थेट आणीबाणी जाहीर

आतापर्यंत उत्तर कोरियात कोरोना संसर्ग झाल्याचा सरकारनं केला होता इन्कार
उत्तर कोरियात कोरोनाचा पहिला रुग्ण सापडला! किम जोंग उन यांच्याकडून थेट आणीबाणी जाहीर
Kim Jong Un Sarkarnama

सोल : जगभरात थैमान घातल्यानंतर कोरोनाचा (Covid-19) प्रादुर्भाव कमी होऊ लागला आहे. असे असताना आता उत्तर कोरियात कोरोनाचा पहिला रुग्ण आढळला आहे. कोरिया सरकारने याची कबुली दिली आहे. यानंतर कोरोना विषाणूचे उच्चाटन करण्यासाठी अध्यक्ष किम जोंग उन (Kim Jong Un) यांनी देशात आणीबाणी घोषित केली आहे.

कोरोनाच्या पहिल्या लाटेपासून आतापर्यंत उत्तर कोरियात कोरोना संसर्ग झाल्याचे सरकारने मान्य केले नव्हते. देशात कोरोनाचा एकही रुग्ण सापडला नसल्याचा दावा कोरियाकडून केला जात होता. आता मात्र, कोरिया सरकारने देशात कोरोनाचा पहिला रुग्ण आढळल्याची कबुली दिली आहे. यानंतर देशभरात कठोर निर्बंध घालण्यात आले आहेत. याला गंभीर राष्ट्रीय आणीबाणीचे नाव देण्यात आले आहे.

Kim Jong Un
धक्कादायक : श्रीलंकेत सरकारविरोधी आंदोलकांवर हल्ले करण्यासाठी कैद्यांचा वापर

जगभरात कोरोनाची साथ २०२०पासून सुरू झाल्यानंतर पहिल्यांदाच कोरियाच्या सीमांवर आता नाकाबंदी करण्यात आली आहे. कोरियन सेंट्रल न्यूज एजन्सीने दिलेल्या वृत्तानुसार प्योगाँगमध्ये कोरोनाचा रुग्ण आढळला आहे. या रुग्णाला ताप आला होता. वैद्यकीय तपासणीत त्याला कोरोनाच्या ओमिक्रॉनचा संसर्ग झाल्याचे निष्पन्न झाले आहे. दरम्यान, उत्तर कोरियात याआधीही कोरोनाचा संसर्ग झाल्याचा दावा करण्यात आला होता. परंतु, कोरिया सरकारने त्यावेळी हे दावे फेटाळून लावले होते.

Kim Jong Un
माझा दिल्लीत गॉडफादर नाही! हार्दिक पटेलांच्या वक्तव्यानं चर्चांना उधाण

कोरोनाचा पहिला रुग्ण आढळल्यानंतर सरकारने युद्ध पातळीवर पावले उचलली आहेत. किम जोंग यांच्या नेतृत्वाखाली वरिष्ठ अधिकाऱ्यांच्या बैठक घेण्यात आली. या बैठकीत कोरोनाचे संकट रोखण्यासाठी देशभरात आणीबाणीची घोषणा करण्यात आली. कोरोना रोखण्यासाठी कठोर आणीबाणी लागू करण्याचे बैठकीत सांगण्यात आले. अतिशय कमी कालावधीत कोरोनाचे समूळ नष्ट करण्याचे ध्येय असल्याचे किम यांनी म्हटले आहे. कोरोनाच्या संकटातून देश बाहेर पडेल, असा विश्वासही किम यांनी व्यक्त केला आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in