कर्नाटक, गुजरात, मध्य प्रदेशनंतर आता राजधानी दिल्लीचे दरवाजेही महाराष्ट्रासाठी बंद! - delhi government will not permit travelers from maharashtra without rt pcr test | Politics Marathi News - Sarkarnama

ब्रेकिंग न्यूज

मुख्यमंत्र्यांकडून 5 हजार 400 कोटींचे पॅकेज जाहिर...
पुढील 15 दिवस संचारबंदीच्या काळात अत्यावश्यक सेवा सुरू राहणार...
अत्यावश्यक सेवेतील कर्मचाऱ्यांसाठी सार्वजनिक वाहतूक सेवा सुरू ठेवणार...
नोंदणीकृत घरगुती कामगारांनाही आर्थिक मदत देणार...
नोंदणीकृत फेरीवाल्यांनाही पंधराशे रुपयांची मदत मिळणार...
परवानाधारक रिक्षाचालकांना पंधराशे रुपये देणार...
पुढील महिनाभर गरीबांसाठी मोफत शिवभोजन थाळी...दोन किलो तांदूळ, तीन किलो गहू मिळणार
राज्यात उद्या रात्री आठ वाजल्यापासून संचारबंदी...मुख्यमंत्र्यांची घोषणा

कर्नाटक, गुजरात, मध्य प्रदेशनंतर आता राजधानी दिल्लीचे दरवाजेही महाराष्ट्रासाठी बंद!

वृत्तसंस्था
बुधवार, 24 फेब्रुवारी 2021

देशात कोरोनाचा कहर वाढू लागला असून, अनेक राज्यांनी महाराष्ट्रातील नागरिकांसाठी दरवाजे बंद करण्यास सुरवात केली आहे. 

मुंबई : महाराष्ट्रात कोरोना रुग्णांची संख्या पुन्हा वाढू लागली आहे. या पार्श्वभूमीवर खबरदारी म्हणून कर्नाटक सरकारने आरटी-पीसीआर चाचणी निगेटिव्ह आल्याचे प्रमाणपत्र असल्याशिवाय महाराष्ट्रातील नागरिकांना राज्यात प्रवेश न देण्याचा निर्णय घेतला होता.  यापाठोपाठ गुजरात, मध्य प्रदेश आणि आता दिल्लीने महाराष्ट्रातीन नागरिकांना प्रवेश नाकारण्यास सुरवात केली आहे. एकाचवेळी कर्नाटक, गुजरात, मध्य प्रदेश आणि दिल्लीने नाकेबंदी केल्याने महाराष्ट्राची कोंडी झाल्याचे चित्र आहे. 

महाराष्ट्र, केरळ, मध्य प्रदेश, पंजाब आणि छत्तीसगडमध्ये कोरोनाचे रुग्ण मोठ्या प्रमाणात वाढू लागले आहेत. यामुळे सर्वच राज्यांनी खबरदारी घेण्यास सुरवात केली आहे. यावर कडी करत कर्नाटकचे आरटी-पीसीआर चाचणीने निगेटिव्ह प्रमाणपत्र असल्याशिवाय महाराष्ट्रातील नागरिकांना प्रवेशबंदी केली आहे. याचीच री ओढत गुजरात आणि मध्य प्रदेशने महाराष्ट्रातील नागरिकांना प्रवेशावर निर्बंध घालण्यास सुरवात केली आहे. आता दिल्लीनेही महाराष्ट्रातील नागरिकांच्या प्रवेशावर निर्बंध घातले आहेत. 

गुजरात आणि मध्य प्रदेशने महाराष्ट्रातून येणाऱ्या नागरिकांची सीमांवर तपासणी करण्यास सुरवात केली आहे. यामुळे प्रवाशांना मोठ्या अडचणीला सामोरे जावे लागत आहे. तसेच, सीमांवर फार मोठ्या प्रमाणात वाहतूक कोंडी होत असल्याचे चित्र आहे. आता दिल्लीनेही महाराष्ट्रातील नागरिकांच्या अडचणीत वाढ केली आहे. 

महाराष्ट्र, केरळ, छत्तीसगड, मध्य प्रदेश व पंजाब या पाच राज्यांतून दिल्लीत येणाऱ्यां नागरिकांना आरटी-पीसीआर चाचणीचा निगेटिव्ह अहवाल दाखवावा लागेल. या पाच राज्यांतून सार्वजनिक वाहतुकीने दिल्लीत येणाऱ्या प्रवाशांना त्यांचा ७२ तासांपर्यंतचा कोरोना चाचणीचा निगेटिव्ह अहवाल दाखवला तरच प्रवेश मिळेल. हा अहवाल दाखविणार नाहीत त्यांना दिल्लीत नो एंट्री असणार आहे. केंद्र व दिल्ली राज्य सरकारचा हे निर्बंध १५ मार्चपर्यंत लागू राहणार आहे. 

येत्या २६ फेब्रुवारीला रात्री १२ ते १५ मार्च दुपारी १२ या काळात रेल्वे, विमान, बस आदींतून दिल्लीत येणाऱ्या साऱ्या प्रवाशांसाठी हा नियम लागू असेल. मात्र, खासगी मोटार वा अन्य वाहनांनी येणाऱ्यांना दिल्लीतील प्रवेशासाठी कोणताही अहवाल दाखवावा लागणार नाही. अन्य राज्यांतील कोरोना रुग्णांमुळे दिल्लीतील कोरोनाची स्थिती पुन्हा गंभीर होऊ नये यासाठी या उपाययोजना करण्यात आल्या आहेत. यामुळे पाच राज्यांतील प्रवाशांना सरसकट प्रवेशबंदी करण्यात आली आहे. 

Edited Sanjay Jadhav
 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख