मै झुकेगा नही! पोलिसांनी अटक करताच जिग्नेश मेवानींचा थेट 'पुष्पा'स्टाईल इशारा

जिग्नेश मेवानींना आसाम पोलिसांकडून दुसऱ्यांदा अटक
मै झुकेगा नही! पोलिसांनी अटक करताच जिग्नेश मेवानींचा थेट 'पुष्पा'स्टाईल इशारा
Jignesh MevaniSarkarnama

गुवाहाटी : गुजरातमधील (Gujrat) काँग्रेसचे (Congress) आमदार जिग्नेश मेवानी (jignesh Mevani) यांना न्यायालयानं काल (ता.25) दिलासा दिला होता. त्यांना न्यायालयाने जामीन मंजूर केला होता. जामीन मिळाल्यानंतर लगेचच मेवानी यांना पुन्हा अटक कऱण्यात आली आहे. त्यांना आता दुसऱ्या गुन्ह्यात आसाम पोलिसांनी अटक केली आहे. यानंतर मेवानी यांनी भाजपला थेट पुष्पास्टाईल इशारा दिला आहे. यावरून आता वातावरण तापलं आहे.

वडगाममधील पालनपूर सर्किट हाऊसमध्ये मेवानी यांना 21 एप्रिलला आसाम पोलिसांनी अटक केली होती. त्या रात्रीच त्यांना अहमदाबाद येथे नेण्यात आले होते. तिथून रेल्वेने त्यांना आसाममध्ये गुवाहाटीला नेण्यात आले होते. मेवानी यांना काल जामीन मिळाल्यानंतर लगेचच त्यांना दुसऱ्या गुन्ह्यात अटक करण्यात आली आहे. महिला पोलीस कॉन्स्टेबलशी गैरवर्तन केल्याप्रकरणी हा दुसरा गुन्हा त्यांच्यावर दाखल झाला आहे. यानंतर त्यांनी भाजपला मै झुकेगा नही, असा थेट पुष्पास्टाईल इशारा दिला आहे.

Jignesh Mevani
उजव्या विचारांना नाकारलं! फ्रान्समध्ये पुन्हा एकदा 'मॅक्रॉन'पर्व

आसाममधील कोक्राझार येथील स्थानिक भाजप (BJP) नेत्यानं मेवानी यांच्या विरोधात पोलिसांकडे तक्रार दिली होती. धार्मिक भावना दुखावना, धार्मिक तेढ निर्माण करणे, असे आरोप मेवानी यांच्यावर करण्यात आले आहेत. आसाममध्ये पोलिसांनी तक्रार दाखल केल्यानंतर 24 तासांतच मेवानी यांना अटक झाली होती. गुजरातची आगामी विधानसभा निवडणूक डोळ्यासमोर ठेवून ही कारवाई झाल्याचा दावा काँग्रेसनं केला होता. अखेर या प्रकरणी न्यायालयानं मेवानी यांना जामीन मंजूर केला आहे.

Jignesh Mevani
जिग्नेश मेवानी आसामच्या तुरुंगात अडकताच भाजपनं त्यांच्याच मतदारसंघात टाकला डाव

या प्रकरणी मेवानी यांनी भाजप आणि राष्ट्रीय स्वयंसेवक संघावर हल्लाबोल केला आहे. ते म्हणाले की, हा तर भाजप आणि राष्ट्रीय स्वयंसेवक संघाचा कट होता. माझी प्रतिमा मलिन करण्याच्या त्यांचा प्रयत्न आहे. ते पद्धतशीरपणे यासाठी पावले उचलत आहेत. आधी त्यांनी रोहित वेमुलाच्या बाबतीत हेच केलं होतं. नंतर चंद्रशेखर आझाद आणि माझ्याबाबतही हेच घडतं आहे. पंतप्रधान कार्यालयातून सुडाचं राजकारण सुरू आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.