संजय पांडेंनी शेअर बाजारात उडवून दिली खळबळ; चार महिन्यांत दुसरा मोठा धक्का

राष्ट्रीय शेअर बाजारातील कर्मचारी, अधिकाऱ्यांचे फोन टॅपिंगचा आरोप पांडेंच्या कंपनीवर आहे.
Sanjay Pandey Latest Marathi News, Chitra Ramkrishna Latest News
Sanjay Pandey Latest Marathi News, Chitra Ramkrishna Latest NewsSarkarnama

मुंबई : मागील काही महिन्यांपूर्वी राष्ट्रीय शेअर बाजारातून (NSE) एक खळबळजनक माहिती समोर आली होती. एनएसईच्या माजी व्यवस्थापकीय संचालक चित्रा रामकृष्ण (Chitra Ramkrishna) या हिमालयातील गूढ योगीबाबाच्या मदतीने शेअर बाजार चालवत असल्याचे स्पष्ट झालं होतं. आता त्या तुरूंगात आहेत. त्यानंतर चार महिन्यांतच शेअर बाजाराला दुसरा मोठा धक्का बसला आहे. मुंबईचे माजी पोलीस आयुक्त संजय पांडे यांनीच हा धक्का देत खळबळ उडवून दिली आहे. (Sanjay Pandey latest news update)

शेअर बाजारातील अधिकारी व कर्मचाऱ्यांचे फोन टॅप केल्याप्रकरणी पांडे यांच्यासह त्यांच्या आई संतोष पांडे व मुलगा अरमान पांडे यांच्यावर गुन्हा दाखल करण्यात आला आहे. तसेच ईडीने त्यांच्याभोवतीचा फास आवळला आहे. पांडे हे आठ दिवसांपूर्वीच सेवानिवृत्त झाले आहेत.

Sanjay Pandey Latest Marathi News, Chitra Ramkrishna Latest News
भारताने मित्र गमावला; जपानचे माजी पंतप्रधान शिंजो आबे यांचे निधन

काय आहे प्रकरण?

सध्या सीबीआयच्या कोठडीत असलेल्या चित्रा रामकृष्ण यांच्यासह एनएसईमधील काही वरिष्ठ अधिकाऱ्यांची चौकशी सुरू आहे. एनएसईमधील अनियमिततेबाबत 2015 मध्ये तक्रार दाखल करण्यात आली होती. त्याची चौकशी सुरू झाल्यानंतर सीबीआयने 2018 मध्ये पहिला गुन्हा दाखल केल्या. या गुन्ह्यात मार्च महिन्यात रामकृष्ण यांच्यासह अन्य काही वरिष्ठ अधिकाऱ्यांना अटक केली. त्यांच्या चौकशीमध्ये संजय पांडे यांच्या कंपनीचं नाव पुढं आलं. सीबीआयने त्याची चौकशी सुरू केल्यानंतर अनेक धक्कादायक खुलासे झाले.

2009 ते 2017 या कालावधीत एनएसईच्या कर्मचाऱ्यांच्या फोनचे बेकायदेशीरपणे टॅपिंग केल्याप्रकरणी शुक्रवारी सीबीआयने गुन्हा दाखल केला. रामकृष्ण प्रकरणातील हा दुसरा गुन्हा आहे. एनएसईचे माजी एमडी रवी नारायण यांच्या विरोधातही ही कारवाई सुरू करण्यात आली आहे. सीबीआयने देशभरात संजय पांडे यांच्याशी संबंधित 18 ठिकाणांवर धाडी टाकल्या आहेत. मुंबईत आठ, पुण्यात दोन, चंदीगड, लखनऊ आणि कोटा येथे प्रत्येकी एक आणि दिल्ली एनसीआरमध्ये पाच ठिकाणी छापे टाकण्यात आले आहेत.

Sanjay Pandey Latest Marathi News, Chitra Ramkrishna Latest News
उद्धव ठाकरेंचा एक घाव दोन तुकडे; बंडखोर आमदारांचे परतीचे दोर कापले

संजय पांडे यांनी 2001 मध्ये पोलीस खात्यातील सेवेचा राजीनामा दिला आणि आयसेक सर्व्हिसेस प्रायव्हेट लिमिटेड ही माहिती तंत्रज्ञान (आयटी) कंपनी सुरू केली. मात्र त्यावेळी तांत्रिक कारणामुळे त्यांचा राजीनामा स्वीकारण्यात आला नाही. त्यांना पुन्हा सेवेत हजर राहण्याच्या सूचना देण्यात आल्या. त्यांनी 2006 मध्ये कंपनीच्या संचालकपदाचा राजीनामा दिला. त्यानंतर पांडेंनी त्यांच्या आई व मुलाला आपल्या कंपनीत संचालकपद दिले.

संजय पांडे यांच्या या कंपनीकडे एनएसईचे सव्‍‌र्हर आणि संगणकीय यंत्रणा, माहिती तंत्रज्ञान लेखापरीक्षणाचे कंत्राट देण्यात आले होते. 2010 ते 2015 या कालावधीत लेखापरीक्षणाची जबाबदारी सोपविण्यात आलेल्या आयसेक सर्व्हिसेसच्या लेखापरीक्षण अहवालात एनएसईमधील गैरव्यवहार का उघड झाला नाही, याबाबत ही चौकशी करण्यात येत असल्याची माहिती आहे.

एनएसई गैरव्यवहार प्रकरणात २०१८ मध्ये नोंदवलेल्या गुन्ह्यांच्या आधारे ईडी तपास करत आहे. संजय पांडे यांनी पांडे यांनी समाविष्ट केलेली फर्म 2010 ते 2015 या कालावधीत एनएसईमध्ये सिक्युरिटी ऑडिट करण्याचे काम सोपवलेल्या आयटी कंपन्यांपैकी एक होती, यालाच को-लोकेशन घोटाळा झाल्याचे मानले जाते. या कंपनीला त्यापोटी सुमारे चार कोटी 45 लाख रुपये देण्यात आले. कंपनीने बेकायदेशीपणे फोन टॅपिंग केल्याचा आरोप आहे. त्यासाठी कोणतीही अधिकृत परवनागी घेतली नाही, कर्मचाऱ्यांना विश्वासात घेतले नाही, असा ठपका त्यांच्यावर ठेवण्यात आला आहे. फोन टॅपिंगमधील संवाद रामकृष्ण किंवा इतर अधिकाऱ्यांना पुरवले जात असल्याचा संशय सीबीआयला आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi news on Mobile, Download the Sarkarnama Mobile App for Android and IOS.
सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक,ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama
www.sarkarnama.in