Bharat Jodo Yatra : राहुल गांधींचा आईसोबतचा फोटो व्हायरल : फोटो-कॅप्शनची तूफान चर्चा!

Bharat Jodo Yatra: काँग्रेसचे खासदार राहुल गांधी (Rahul Gandhi) यांनी आपल्या आई सोनिया गांधी यांच्यासोबतचा एक फोटो ट्विटरवर शेअर केला आहे. काँग्रेसची भारत जोडो यात्रा नुकतीच राजधानी दिल्लीत पोहचली आहे. सोनिया गांधी आज राहुल गांधी यांच्याबरोबर दिल्लीत ‘भारत जोडो’ यात्रेत सामील झाल्या. याच दरम्यान राहुल यांनी आपल्या आईसोबतचा एक फोटो शेअर केला. भारत जोडो यात्रेला १०० दिवस पूर्ण होण्याच्या पार्श्वभूमीवर हा फोटो व्हायरल होत आहे.

भारत जोडो यात्रा दिल्लीत दाखल झाली आहे. या यात्रेत हजारो लोकांनी सहभाग नोंदवला. फरिदाबाद या ठिकाणाहून राहुल गांधी यांनी दिल्लीत प्रवेश केला.दिल्ली काँग्रेसचे प्रमुख अनिल चौधरी यांनी आणि काँग्रेस पदाधिकाऱ्यांनी राहुल यांचे दिल्लीत स्वागत केले.

दिल्ली येथील एका आश्रमाममध्ये सर्व नेत्यांना तीन तास विश्रांती घेतली. यात्रा दिल्लीमध्ये प्रवेश करताना,काँग्रेसचे वरिष्ठ नेते जयराम रमेश, पवन खेरा, रणदीप सुरजेवाला, भुपिंदर सिंग हुड्डा, कुमारी शैलजा हे यात्रेमध्ये राहुल गांधी यांच्यासोबत उपस्थित होते. विशेष म्हणजे यात्र दिल्लीत प्रवेश केल्यानंतर यामध्ये सोनिया गांधी आणि राहुल यांची बहीण प्रियंका गांधी याही यात्रेत सामील झाल्या.

राहुल गांधीनी शेअर केलेल्या या मायलेकांच्या फोटोला पहिल्याच तीन तासात ४८ हजार लाईक्स आणि साडेसात हजारांहून अधिक रिट्वीट मिळाले आहेत. आता ही यात्रा लाल किल्ल्याच्या दिशेने मार्गस्थ होणार आहे. या ठिकाणी आज संध्याकाळी मोठ्या सभेचे आयोजन करण्यात येणार आहेत.

एक मोठी अपडेट म्हणजे, आता ही यात्रा पुढचे सलग नऊ दिवस थांबणार आहे. यानंतर आता थेट ३ जानेवारी रोजी भारत जोडो यात्रा पुन्हा दिल्लीतून पुढचा प्रवास सुरु करून श्रीनगरकडे कूच करणार आहे. नवीन वर्ष आगमनानिमित्त यात्रेला नऊ दिवस विश्रांती देण्यात आले आहे.