आमीर खान अन् किरण राव यांची लग्नाच्या 15 वर्षांनंतर घटस्फोटाची घोषणा पण... - acto aamir khan and kiran rao announce diovorce after 15 years of marriage | Politics Marathi News - Sarkarnama

ब्रेकिंग न्यूज

शरद पवार आज अमित शहांच्या भेटीला, शहांकडे सहकार खात्याचा कारभार आल्यानंतरची पहिलीच भेट

आमीर खान अन् किरण राव यांची लग्नाच्या 15 वर्षांनंतर घटस्फोटाची घोषणा पण...

वृत्तसंस्था
शनिवार, 3 जुलै 2021

अभिनेता आमीर खान आणि किरण राव यांनी घटस्फोटाची घोषणा केली आहे. लग्नाच्या 15 वर्षांनतर त्यांनी घटस्फोट घेण्याचा निर्णय घेतला आहे. 

मुंबई : अभिनेता आमीर खान (Aamir Khan) आणि दिग्दर्शिका किरण राव (Kiran Rao) यांनी घटस्फोटाची (Divorce) घोषणा केली आहे. लग्नाच्या 15 वर्षांनतर त्यांनी घटस्फोट घेण्याचा निर्णय घेतला आहे. असे असले तरी त्यांनी त्यांचा मुलगा आझाद (Azad) यांचे एकत्रित संगोपन करण्याचा निर्णय घेतला आहे. याचबरोबर पाणी फाऊंडेशनसह (Paani Foundation) अनेक समाजोपयोगी उपक्रमांममध्ये ते एकत्रितपणे काम करीत राहणार आहेत. 

आमीर खान यांच्या हा दुसरा विवाह होता. कन्या इरा खान हिच्यासोबत त्यांनी डिसेंबर 2020 मध्ये लग्नाचा 15 वा वाढदिवस गीर राष्ट्रीय अभयारण्यात साजरा केला होता. किरण राव यांच्यासोबत विवाह केल्यानंतर 15 वर्षांनी दोघांनी वेगळे होण्याचा निर्णय घेतला आहे. मागील काही दिवसांपासून त्यांच्या वेगळे होण्याची तयारी सुरू होती. त्यांनी याबाबत निवेदन जाहीर केले आहे. त्यात म्हटले आहे की, आम्ही 15 वर्षांच्या सुंदर सहजीवनात आयुष्यातील अनेक अनुभव, आनंद आणि हास्य यांची देवाणघेवाण केली. या नात्यासोबत आमच्यातील विश्वासही वाढीस लागला. 

हेही वाचा : मुख्यमंत्री निवडीची धामधूम अन् त्रिवेंद्रसिंह रावत यांच्या कमबॅकची चर्चा 

आम्ही आता आमच्या आयुष्यातील नवा प्रवास सुरू करीत आहोत. यापुढे आम्ही नवरा आणि बायको असणार नाही. काही दिवसांपूर्वीच आम्ही वेगळे होण्याची तयारी सुरू केली होती. आता त्याला अंतिम स्वरुप दिले आहे. आम्ही वेगवेगळे राहणार असलो तरी आम्ही कुटुंब म्हणून एकमेकांशी जोडलेले असू. आझादचे संगोपन आम्ही दोघे मिळून करणार आहोत. याचबरोबर पाणी फाउंडेशनसोबत इतर उपक्रमांमध्ये आम्ही एकत्र काम करु, असे त्यांनी निवेदनात स्पष्ट केले आहे. 

कायम पाठिंबा देणारे कुटुंबीय आणि मित्रांचे आभार मानून त्यांनी म्हटले आहे की, आमचे नाते समजून घेतल्याबद्दल कुटुंबीय आणि मित्रांचे अतिशय धन्यवाद. त्यांच्याशिवाय आम्हाला हा निर्णय घेणे शक्य नव्हते. आमच्या हितचिंतकांनी आमच्यासाठी त्यांच्या शुभेच्छा कायम ठेवाव्यात. घटस्फोट म्हणजे शेवट नाही तर ही नवीन प्रवासाची सुरवात आहे. आभार आणि प्रेम किरण आणि आमीर. 
 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख