गोंधळ घालणाऱ्यांना उघडे पाडा, संसदेचे कामकाज बंद पडल्याने मोदी भडकले.. - Expose those who are making a fuss, Modi got angry as Parliament was closed | Politics Marathi News - Sarkarnama

ब्रेकिंग न्यूज

आमदार आशुतोष काळे शिर्डी संस्थानचे अध्यक्ष तर उपाध्यक्षपदी जगदीश सावंत यांची नियुक्ती
माजी पोलिस आयुक्त परमबीर सिंह यांची याचिका फेटाळली
जगातील प्रभावशाली व्यक्तींमध्ये नरेंद्र मोदी, ममता बॅनर्जी, अदर पूनावाला
तिरुपती देवस्थान ट्रस्टच्या सदस्यपदी शिवसेनेच्या मिलिंद नार्वेकरांची वर्णी
अभिनेता सोनू सूदच्या घरावर आयकर विभागाचा छापा

गोंधळ घालणाऱ्यांना उघडे पाडा, संसदेचे कामकाज बंद पडल्याने मोदी भडकले..

सरकारनामा ब्युरो
मंगळवार, 27 जुलै 2021

संसदेचे कामकाज चालू दिले जात नसल्याबद्दल पंतप्रधानांनी आजच्या भाजप बैठकीत संताप व्यक्त केला.

नवी दिल्ली : पेगॅसस हेरगिरी प्रकरणी विरोधी पक्षांनी प्रचंड गदारोळ केल्याने संसदेच्या पावसाळी अधिवेशनाचे कामकाज ठप्प पडले आहे. पंतप्रधान नरेंद्र मोदी यांनी या गोंधळाला कॉंग्रेस पक्ष जबाबदार असल्याचा ठपका ठेवताना, सर्वांत जुना पक्षच संसद चालू देत नाही, हे भाजप खासदारांनी जनतेला सांगावे, (Expose those who are making a fuss, Modi got angry as Parliament was closed) अशा शब्दांत कॉंग्रेसवर हल्लाबोल केला.

भाजप संसदीय पक्षाची बैठक आज बालयोगी सभागृहात झाली. भाजपच्या या दोन्ही बैठकांच्या वेळी संसदेचे कामकाज ठप्प पडले. ( PM Narendra Modi Angrey)मोदी यांनी गोंधळाबद्दल संताप व्यक्त केला. ते म्हणाले, की गोंधळ करणाऱ्यांना जनतेसमोर उघडे पाडा. कॉंग्रेस सर्वांत जुना पक्ष म्हणवतो व तोच संसद कामकाज ठप्प पाडतो व तुमचे मुद्दे संसदेत येऊ देत नाही हे जनतेत जाऊन सांगा.

जेव्हा सरकारने कोवीड-१९ बाबत बैठक बोलावली तेव्हा कॉंग्रेसने स्वतः बैठकीवर बहिष्कार टाकला आणि एवढेच नव्हे तर इतर विरोधी पक्षांनाही बैठकीला येण्यापासून अडविले. कॉंग्रेस व विरोधकांचे हे `कार्य` तुम्ही जनतेत जाऊन सांगा.

पेगॅसग हेरगिरी, भडकलेली महागाई व कृषी कायदे रद्द करण्यासाठी विरोधकांनी संसदेचे कामकाज मागील आठवडा व या आठवड्याच्या सुरवातीला बंद पाडले आहे. संसदेचे कामकाज चालू दिले जात नसल्याबद्दल पंतप्रधानांनी आजच्या भाजप बैठकीत संताप व्यक्त केला व संसदीय अधिवेशन चालत नाही याचे सारे खापर कॉंग्रेसवर फोडले.

यशाची माहिती लोकांपर्यंत पोचवा

स्वातंत्र्याच्या अमृतमहोत्सवानिमित्त सत्ताधारी खासदारांनी गावागावात लोकांना स्वातंत्र्यलढ्याची , स्वातंत्र्य सैनिकांची व स्वातंत्र्योत्तर काळात देशाने मिळविलेल्या विविध क्षेत्रातील यशाची माहिती द्यावी. प्रत्येक खासदाराने वर्षभरात यासाठी ७५ गावांत जावे, ७५ तास थांबून गावकऱ्यांशी संवाद साधावा.

त्याची माहिती पक्षाला कळवावी. आझादी ॲट ७५ हा केवळ सरकारी कार्यक्रम होऊ नये. त्यात जनतेचा थेट सहभाग वाढावा यासाठी भाजप खासदारांनी स्वतः पुढाकार घेऊन प्रयत्न करावेत, असे आदेशही पंतप्रधानांनी दिले.

हे ही वाचा ः शेतकऱ्यांच्या मदतीसाठी ओमराजे आक्रमक, संसदेत शिवसेना-सरकारमध्ये जुंपली..

Edited By : Jagdish Pansare

 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख