danave and pawar | Sarkarnama


ब्रेकिंग न्यूज

सातारा : सातारा लोकसभा मतदारसंघ उदयनराजे भोसले दुसऱ्या फेरीत 10500 हजार मतांनी पिछाडीवर
नितेश राणे यांना 8483 मतांची आघाडी पाचवी मतमोजणी फेरी पूर्ण
सावंतवाडी शिवसेनेनेचे दीपक केसरकर दुसऱ्या फेरीत 703 मतांनी आघाडीवर
कराड दक्षिण मतदारसंघातून माजी मुख्यमंत्री पृथ्वीराज चव्हाण 1200 मतांनी आघाडीवर
सातारा : सातारा विधानसभा भाजपचे शिवेंद्रराजे भोसले आघाडीवर
पिंपरी राखीव विधानसभा मतदारसंघात शिवसेनेचे अँड गौतम चाबुकस्वार हे मतदानाच्या पहिल्या फेरीत २,६६९ मतांनी आघाडीवर.
सिल्लोड : पहिल्या फेरीमध्ये शिवसेनेचे अब्दुल सत्तार यांना 2167 मतांची आघाडी
पहिल्या फेरीनंतर मुख्यमंत्री 2,560 मतांनी आघाडीवर
बारामती : बारामतीत अजित पवार आघाडीवर
भोकर मतदारसंघात माजी मुख्यमंत्री अशोकराव चव्हाण आघाडीवर
भुसावळला पहिल्या फेरीत भाजपचे आमदार संजय सावकारे यांना 3960 मतांची आघाडी.
इंदापूर हर्षवर्धन पाटील 1000 मतांनी आघाडीवर
राज्यात मतमोजणीला सुरुवात

...आजही लक्षात आहे तो क्षण, पवार साहेबांनी माझा प्रचार केला होता

रावसाहेब दानवे, भाजप प्रदेशाध्यक्ष
बुधवार, 12 डिसेंबर 2018

भोकरदन : देशाचे माजी केंद्रीय मंत्री व राष्ट्रवादीचे अध्यक्ष शरद पवार साहेबांनी विधानसभा निवडणुकीत माझा प्रचार केला होता हे जर कुणाला सांगितले तर त्यावर विश्‍वास बसणार नाही. पण हो शरद पवारांनी माझ्यासाठी प्रचार केला होता अशी आठवण भाजपचे प्रदेशाध्यक्ष खासदार रावसाहेब दानवे यांनी सांगितली. शरद पवार यांच्या वाढदिवसा निमित्त त्यांच्याबद्दलच्या अविस्मरणीय प्रसंगाला दानवे यांनी सरकारनामाशी बोलतांना उजाळा दिला. 

भोकरदन : देशाचे माजी केंद्रीय मंत्री व राष्ट्रवादीचे अध्यक्ष शरद पवार साहेबांनी विधानसभा निवडणुकीत माझा प्रचार केला होता हे जर कुणाला सांगितले तर त्यावर विश्‍वास बसणार नाही. पण हो शरद पवारांनी माझ्यासाठी प्रचार केला होता अशी आठवण भाजपचे प्रदेशाध्यक्ष खासदार रावसाहेब दानवे यांनी सांगितली. शरद पवार यांच्या वाढदिवसा निमित्त त्यांच्याबद्दलच्या अविस्मरणीय प्रसंगाला दानवे यांनी सरकारनामाशी बोलतांना उजाळा दिला. 

रावसाहेब दानवे म्हणाले, मी भोकरदन मतदारसंघातून दोनदा आमदार आणि जालना लोकसभा मतदारसंघातून सलग चारवेळा खासदार म्हणून निवडून आलो आहे. शरद पवारांच्या वाढदिवसाचे औचित्य आणि त्यांच्या बद्दलची एक आठवण मला या निमित्ताने आर्वजून सांगावीशी वाटते. पवार साहेबांबद्दल खूप काही ऐकून होतो, पण त्यांना प्रत्यक्ष भेटण्याची संधी मला 1985 मध्ये मिळाली. भोकरदन-जाफ्राबाद विधानसभा मतदारसंघातून मी भाजपचा उमेदवार म्हणून निवडणूक लढवत होतो. निवडणुकीची धामधूम, प्रचार सभांचा तो काळ. शरद पवार तेव्हा (एस) कॉंग्रेसचे नेतृत्व करत होते. 1985 च्या निवडणुकीत भाजप सोबत त्यांची युती होती. त्यामुळे सहाजिकच शरद पवारांच्या भाजप उमेदवारांच्या प्रचारासाठी देखील काही ठिकाणी सभा ठेवण्यात आल्या होत्या. 

माझ्या पहिल्याच विधानसभा निवडणुकीच्या प्रचारासाठी भोकरदनमध्ये शरद पवारांची जाहीर सभा ठेवण्यात आली होती. तेव्हा जळगांव ते भोकरदन असा प्रवास त्यांच्या सोबत करण्याची संधी मला मिळाली. पहिल्याच भेटीत मी त्यांच्या व्यक्तिमत्वाने प्रभावित झालो. माझ्या प्रचारासाठी त्यांनी जाहीर सभाही घेतली. 1985 नंतर अनेकदा त्यांच्या भेटीचा योग आला. 2009 मध्ये पवार साहेब जालना दौऱ्यावर आले होते. तेव्हा मी त्यांना चहा पिण्यासाठी आमंत्रित केले. पवार साहेबांनी देखील माझ्या आमंत्रणाचा स्वीकार केला व ते घरी आले. यावेळी त्यांनी मनमोकळ्या गप्पा मारला. विशेष म्हणजे शरद पवारांनी विरोधी पक्षाच्या माणसाकडे जाऊ नये, त्याने चुकीचा संदेश जाईल असा मतप्रवाह त्यांच्या पक्षातील काही पदाधिकाऱ्यांचा होता. पण त्याला न जुमानता पवार साहेब माझ्या घरी आले. अपेक्षेप्रमाणे दुसऱ्या दिवशी वर्तमानपत्रांमध्ये उलटसुलट बातम्या प्रसिध्द झाल्या. पण त्यांनी राजकारणापलीकडचे नाते जपत सगळ्यांनाच निरुत्तर केले होते. 

(शब्दांकन ः तुषार पाटील) 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख