अमित शहांना दगडूशेठ गणपतीची सोन्याची मूर्ती भेट

अमित शहांना दगडूशेठ गणपतीची सोन्याची मूर्ती भेट

पुणे : भारतीय जनता पक्षाचे राष्ट्रीय अध्यक्ष अमित शहा यांना भाजपचे पुण्यातील नगरगसेवक किरण दगडे-पाटील यांनी श्रीमंत दगडूशेठ गणपतीची सोन्याची आकर्षक मूर्ती भेट दिली. राजकीय महक्षत्त्वाकांक्षा बाळगून असलेल्या दगडे-पाटलांनी ही भेट देत, "गणपती'सारखीच पक्षाच्या राष्ट्रीय अध्यक्षांची आपल्यावर "कृपादृष्टी' असावी, अपेक्षा तर व्यक्त केली नसावी ना,अशी राजकीय वर्तुळात चर्चा रंगली आहे.
 
रामभाऊ म्हाळगी प्राबोधिनी आणि पक्षाच्या "सोशल मीडिया' कार्यशाळेनिमित्त शहा रविवारी पुण्यात आले होते. त्यानिमित्ताने शहरातील पक्षाच्या बहुतांशी नगरसेवकांनी शहांची भेट घेतली. लोहगाव विमानतळावरून आल्यानंतर शहा शासकीय विश्रामगृहात उरतले. तेव्हा काही मोजक्या नेत्यांनाच त्यांनी वेळ दिली होती.

दग़डे हे प्रदेशाध्यक्ष दानवे यांचे निकटवर्ती मानले जातात. त्यामुळे अगदी सहजरित्या त्यांना शहांची भेट घेता आली. पुष्पगुच्छासह शहांनी दगडूशेठ गणपतीची मूर्तीही आनंदाने स्वीकारली. मुख्यमंत्री देवेंद्र फडणवीस, दानवे, पालकमंत्री गिरीश बापट, सामाजिक न्यायराज्य मंत्री दिलीप कांबळे, दगडे यांचे मित्र नगरसेवक अमोल बालवडकर यांच्यासह स्थानिक नेते उपस्थित होते. 

महापालिकेच्या गेल्या निवडणुकीत दगडे-पाटील प्रचंड मतांनी विजयी झाले. त्यानंतर त्यांच्या पत्नी पियुषा या बावधनच्या सरपंच झाल्या. त्यामुळे दगडे-पाटील यांचे पक्ष संघटनेत महत्त्व वाढले आहे. निवडणुकी आधी दगडे-पाटील नवनवीन खर्चिक कार्यक्रमात रस घेत राजकीय क्षेत्रात आपली वेगळी ओळख निर्माण केली आहे. त्यात, दानवेंशी जवळीकता वाढून दगडे-पाटील नेहमीच चर्चेत राहिले आहेत.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com