सुशीलकुमार शिंदे  कास पठाराच्या प्रेमात

सातारा : काँग्रेसचे नेते आणि माजी केंद्रीय गृहमंत्री सुशीलकुमार शिंदे यांनी आपल्या मित्र परिवारासह जागतिक वारसास्थळ असलेल्या 'कास'पठाराला भेट दिली. यावेळी त्यांनी परिसरातील यवतेश्वर परिसर, कास येथेफेरफटका मारत निसर्गाचा मनमुराद आनंद लुटला.

या वेळी सुशीलकुमार शिंदे म्हणाले, "मी पहिल्यांदाच कास पठारावर आलो आहे. हा पुष्प पठार इतका निसर्गरम्य असेल असे मला वाटले नव्हते. सातारा,  महाबळेश्वर ही दोन शहरे निसर्गाची देण असलेली ठिकाणे
आहेत. राजकीय, पूर्वकालीन परिस्थिती आणि छत्रपती शिवाजी महाराजांचे वंशज साताऱ्यात राहतात, त्यामुळे या शहराला वेगळे महत्व आहे. कास परिसराच्या दोन्ही बाजूला धरणे आहेत. असे विहंगम दृश्य कोठेही पहावयास
मिळणे अशक्य आहे,''