नागपूर : नागपूर शहर भाजपचे अध्यक्ष आमदार सुधाकर कोहळे यांच्याविरोधात फसवणुकीचा गुन्हा दाखल झाला आहे. पक्षांतर्गत असंतोषाचा सामना करावा लागत असताना या गुन्ह्यामुळे कोहळेंच्या अडचणीत वाढ झाली आहे.
नागपूर महापालिकेतील भाजपच्या उमेदवारांची निवड करताना कोहळेंच्या कार्यशैलीवर बरीच टीका झाली होती. अनेक असंतुष्टांनी थेट नितीन गडकरी यांच्या घरासमोर निदर्शने केली होती. या असंतोषासाठी कोहळे कारणीभूत असल्याचे अनेक महिलांनीही आरोप केले होते. निवडणूक निकालानंतर ही नाराजी कमी होत असताना कोहळेंविरुद्ध फसवणुकीचा गुन्हा दाखल झाल्याने भाजपच्या नेत्यांची अडचण झाली आहे.
नागपूर शहरात एका भूखंडाच्या खरेदीवरून हा गुन्हा दाखल झाला आहे. काही वर्षांपूर्वी त्यांनी जानकीनगरात 2200 चौरस फुटाचा भूखंड खरेदी केला. बयाणापत्रातही याचा उल्लेख आहे. परंतु विक्री करताना भूखंड 3200 चौरस फूट असल्याचे नमूद करण्यात आले. या विरोधात आरटीआय कार्यकर्त्याने माहितीच्या अधिकारात ही बाब उघड केली. त्यानंतर या सोसायटीच्या पदाधिकाऱ्यांसोबत आमदार कोहळे यांच्याविरोधातही हुडकेश्‍वर पोलिस ठाण्यात गुन्हा दाखल करण्यात आला आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.