चंद्रपुरात कॉंग्रेसच्या उमेदवारीसाठी बाळू धानोरकरांची लढाई सुरुच 

बाळू धानोरकरांनी अद्याप हार मानलेली नाही. विनायक बांगडे यांचे नाव रद्द करुन बाळू धानोरकर यांनाच उमेदवारी द्यावी, यासाठी त्यांचे समर्थक पक्षश्रेष्ठींना अजूनही गळ घालत असल्याची माहीती आहे.
चंद्रपुरात कॉंग्रेसच्या उमेदवारीसाठी बाळू धानोरकरांची लढाई सुरुच 

नागपूर : कॉंग्रेसने काल रात्री प्रसिद्ध केलेल्या उमेदवारांच्या यादीत चंद्रपूर लोकसभा मतदार संघासाठी विनायक बांगडे यांच्या नावाचा समावेश आहे. त्यानंतर येथे भाजपा-शिवसेना युती विरुद्ध कॉंग्रेस-राष्ट्रवादी आघाडी अशी लढत होणार, असेच चित्र सकाळपर्यंत होते. पण नुकत्याच हाती आलेल्या माहीतीनुसार बाळू धानोरकरांनी अद्याप हार मानलेली नाही. विनायक बांगडे यांचे नाव रद्द करुन बाळू धानोरकर यांनाच उमेदवारी द्यावी, यासाठी त्यांचे समर्थक पक्षश्रेष्ठींना अजूनही गळ घालत असल्याची माहीती आहे.
 
चंद्रपूर लोकसभा निवडणुकीच्या उमेदवारीवरून कॉंग्रेसमधील राजकारण चांगलेच तापले आहे. आधी विशाल मुत्तेमवार यांचे नाव घोषित होवून ते मागे पडले. आता विनायक बांगडे यांना उमेदवारी जाहीर झाली. अशोक चव्हाण शिवसेनेचे आमदार बाळू धानोरकर यांच्यासाठी आग्रही होते. त्यांनी कॉंग्रेस प्रवेशासाठी आमदारकी आणि पक्षाचा राजीनामा दिला. चव्हाण यांच्या सांगण्यावरून धानोरकरांनी राजीनामा दिला होता. मात्र ते उमेदवारी देवू शकले नाही. त्यामुळे "माझे कुणीच ऐकायला तयार नाही. त्यामुळे मलाच प्रदेशाध्यक्षपदाचा राजीनामा द्यावासा वाटत आहे', अशा शब्दात त्यांनी आपल्या भावना व्यक्त केल्याचे कळते.
 
बांगडे यांची उमेदवारी घोषित झाल्यानंतर जिल्हाभरातील कॉंग्रेस कार्यकर्त्यांनी अशोक चव्हाण यांच्याशी संपर्क साधला आणि तीव्र नाराजी व्यक्त केली. एका कार्यकर्त्याशी बोलताना त्यांनी आपलीच मानसिकता राजीनामा देण्याची असल्याचे सांगितले. या संभाषणाची क्‍लिप सध्या समाज माध्यमावर चांगलीच वायरल होत असल्याची माहीती आहे. दरम्यान काही कॉंग्रेस कार्यकत्यांनी राजीनामे दिल्याचेही सागितले जात आहे. 
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com