कोल्हापूर : आम्ही साधे भोळे नाही, भले-भले आम्हाला घाबरतात, त्यामुळे एका लुगड्याने बाई म्हातारी होत नाही. शिवसेनेचे खासदार संजय मंडलिक यांनी युती धर्म पाळावा, अजूनही वेळ गेलेली नाही अन्यथा त्यांना आमचे दरवाजे कायमचे बंद राहतील, असा इशारा भाजपचे प्रदेशाध्यक्ष चंद्रकांत पाटील यांनी दिला.
शिवसेनेला जिल्ह्यातील आठ जागा जिंकायच्या आहेत, त्यामुळे श्री. मंडलिक यांनी सोयीचे राजकारण विसरावे अशी आठवण करून देत श्री. पाटील यांनी एकप्रकारे सेनेच्या नेतृत्त्वालाच इशारा दिला आहे.
कोल्हापूर दक्षिण मतदार संघातील भाजपाचे उमेदवार आमदार अमल महाडिक यांच्या प्रचारार्थ आयोजित मेळाव्यात श्री. पाटील बोलत होते. सोयीचे आणि खोटे राजकारण करणारे संपणार आहेत, अडगळीत पडणार आहेत याची जाणीव झाली म्हणूनच कॉंग्रेस नेत्यांची तरूण मंडळी पटापटा बाहेर पडून भाजपात दाखल झाली. म्हणूनच मंडलिक यांनी प्रामाणिकपणे काम करावे, खोटे राजकारण सोडून द्यावे, अशी श्री.पाटील यावेळी म्हणाले.
यावेळी आमदार अमल महाडिक, भाजपाचे जिल्हाध्यक्ष राहूल चिकोडे, पश्‍चिम महाराष्ट्र देवस्थान समितीचे अध्यक्ष महेश जाधव, संदेश कचरे, आजच स्वाभिमानी शेतकरी संघटनेतून भाजपात आलेले जिल्हाध्यक्ष भगवान काटे, कॉंग्रेसमधून भाजपात आलेले दौलत देसाई यांची भाषणे झाली.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.