कोल्हापूर : ''चेहऱ्यावर कोणताही भाव न आणता मी कसा फटका लगावतो हे समजतही नाही. पवार तुम्ही पाटलांना ओळखलंच नाही'', अशा शब्दांत भाजपचे प्रदेशाध्यक्ष चंद्रकांत पाटील यांनी राष्ट्रवादीचे अध्यक्ष शरद पवार यांच्यावर टीका केली.
विधानसभा निवडणुकीतील कोल्हापूर उत्तरचे उमेदवार आमदार राजेश क्षीरसागर यांच्या प्रचारार्थ लोणार वसाहत येथे आयोजित शिवसेना, भाजप कार्यकर्त्यांच्या बैठकीत ते बोलत होते. या मेळाव्यात त्यांनी श्री. पवार यांच्यावर तीव्र टीका केली, त्याचवेळी त्यांनी बंडखोरांनाही इशारा दिला. युती धर्म न पाळणाऱ्यांची पक्षातून हकालपट्टी करू असा दमही त्यांनी भरला.
श्री. पाटील म्हणाले,"पवार यांना वाटले की मला कोथरूडमध्ये अडकून ठेवता येईल. पण तसे होणार नाही. माझी बायको जरी विरोधी पक्षातून उभा राहीली तरी तिचा प्रचार मी करणार नाही. मी चेहऱ्यावर कोणताही हावभाव न आणता कसा फटका लगावतो हे समजत नाही, त्यामुळे पवार तुम्ही मला ओळखलेलेच नाही.'
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.