आजचा वाढदिवस : चैनसुख संचेती, आमदार, मलकापूर, बुलडाणा. 

सामाजिक, राजकीय, शैक्षणिक आणि सहकार क्षेत्रातील दिग्गज नेते म्हणून राज्याच्या राजकारणात आमदार चैनसुख संचेती यांना ओळखले जाते. सलग 22 वर्ष मलकापूर विधानसभा मतदारसंघावर राजकीय वर्चस्व गाजविणारे आमदार चैनसुख संचेती यांनी विधानसभेची पहिली निवडणूक 1995 साली अपक्ष लढवून विधानसभेत दमदार एन्ट्री केली. सुरवातीपासूनच जनसंघाशी जवळचा संबंध असल्याने परत भाजपत प्रवेश करून सत्ता नसतानाही पक्षाशी एकनिष्ठता ठेवली. विकासकामांना वेळोवेळी प्राधान्य दिले गेल्याने जनतेसोबत त्यांची नाळ जुळली गेली आहे. अनेक सामाजिक, राजकीय, शैक्षणिक व सहकार क्षेत्रातील पदे भूषवून त्यांनी मतदारसंघातील सुशिक्षित बेरोजगारांना रोजगाराच्या संधी उपलब्ध करून दिल्या. आजही तेच जनसेवेचे व्रत ते जोपासत आहेत.