नागपूर : नागपूर भाजपच्या महिला मोर्चाच्या अध्यक्षपदासाठी नगरसेविका चेतना टांक, कीर्ती अजमेरा, विशाखा मोहोड यांच्या नावांची चर्चा आहे.
नागपूर महिला मोर्चाच्या अध्यक्षा नंदा जिचकार यांची महापौरपदी निवड झाली आहे. "एक व्यक्ती एक पद' या नियमाने जिचकार यांना महिला मोर्चाच्या
अध्यक्षपदाचा राजीनामा द्यावा लागणार आहे.
गेल्या दोन वर्षांपासून जिचकार महिला मोर्चाच्या अध्यक्षपदाची जबाबदारी सांभाळत होत्या. नागपुरात 108 भाजपच्या नगरसेवकांमध्ये 61 महिला आहेत. नागपूर भाजपच्या महिला मोर्चाची जबाबदारी सोपविण्यासाठी नगरसेविका चेतना टांक यांचे नाव अधिक चर्चेत आहे. पूर्व नागपुरातून भाजपचे 23 नगरसेवक निवडून आले आहेत. पूर्व नागपूरला कोणतेही पद मिळालेले नसल्याने चेतना टांक यांची निवड होण्याची शक्‍यता वर्तविली जात आहे. तसेच कीर्ती अजमेरा या पदासाठी प्रयत्नशील आहेत.
कीर्ती अजमेरा यांनी यापूर्वी महिला मोर्चाची जबाबदारी सांभाळली आहे. याशिवाय विशाखा मोहोड यांच्याकडेही ही जबाबदारी येऊ शकते. महापौरपदासाठी
विशाखा मोहोड यांचे नाव चर्चेत होते. परंतु जातीय समीकरणामुळे विशाखा मोहोड यांची संधी हुकल्याचे बोलले जात आहे. ही नाराजी त्यांना महिला मोर्चाचे
अध्यक्षपद देऊन दूर केली जाऊ शकते.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.