भाजपने मला तीन वेळा आमदार तर एकदा मंत्री केलय : बावनकुळे

Chandrashekhar_Bawankule.
Chandrashekhar_Bawankule.

नागपूर : भारतीय जनता पक्षात ओबीसींचे नेते नाराज आहेत आणि भाजपचे 12 आमदार  पक्ष सोडून जात आहेत, अशा पद्धतीचे वातावरण राज्यभर तयार केले जात आहे. हे योग्य नाही, असे राज्याचे माजी ऊर्जा मंत्री चंद्रशेखर बावनकुळे म्हणाले.

सन 1992 पासून मी भारतीय जनता पक्षात आहे. माझ्या या प्रवासात पक्षाने मला तीन वेळा आमदार तर एक वेळा मंत्री बनवले. भाजपमुळेच मी आज मोठ्या उंचीवर पोहोचलो. माझ्याप्रमाणेच पक्षातील इतरही ओबीसी नेत्यांना पक्षाने मोठे केले आहे. पक्षाने भरपूर काही दिले असताना एखाद वेळेस जर काही दिले नाही किंवा थांबण्यास सांगितले तर पक्षाचा विरोध करणे योग्य नाही. 

एकनाथ खडसे हे पक्षाचे वरिष्ठ नेते आहेत. मी त्यांचा फार आदर करतो. त्यांच्याबद्दल मी काहीही बोलणे संयुक्तिक ठरणार नाही. राहिला प्रकाश शेंडगे यांचा प्रश्न . तर त्यांनी 2014 मध्येच पक्ष सोडलेला आहे आणि कदाचित पक्षाने ओबीसींसाठी केलेला प्रवास ते विसरले असतील. तो त्यांनी आठवावा . नंतरच काही बोलावे. 

भारतीय जनता पक्षात ओबीसी नेत्यांवर अन्याय होतो आहे, असे म्हणणाऱ्या नेत्यांनी जरा आठवावे की माजी मुख्यमंत्री देवेंद्र फडणवीस यांनी ओबीसीचे मंत्रालय स्थापन केले असल्याचेही श्री बावनकुळे म्हणाले. मुख्यमंत्री उद्धव ठाकरे हे चांगले व्यक्ती आहेत. त्यामुळे मागील सरकारने सुरू केलेले जनहिताचे प्रकल्प केवळ विरोधासाठी विरोध म्हणून ते बंद करणार नाहीत, असा विश्वास असल्याचेही श्री बावनकुळे यांनी सांगितले.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com