तुम्हाला उमेदवारी नाही पण तुम्ही सुचवाल त्याला देऊ, भाजपचा खडसेंना निरोप 

मुंबई : भाजपचे ज्येष्ठ नेते एकनाथ खडसे  यांना भाजपची उमेदवारी मिळणार नाही असे विश्वसनीय सूत्रांनी सांगितले . 

ज्येष्ठ नेते एकनाथ खडसे यांना भापच्या वरिष्ठ नेत्यांनी असा निरोप पाठविला आहे की ,  तुम्हाला उमेदवारी देणे शक्य नाही पण तुम्ही सुचवलेले नाव उमेदवार असेल. खडसेंना हा निरोप मिळालेला आहे , अशी  चर्चा आहे.

एकनाथ खडसे यांच्या सुनबाई रक्षा खडसे या रावेरच्या भाजप खासदार आहेत . तर खडसेंच्या कन्या ऍड . रोहिणी खडसे खेवलकर यांना बुलडाण्यातून निवडणूक लढविण्याचा आग्रह भाजपकडून केला जात आहे . 

मला कुटुंबिय आणि कार्यकर्त्यांशी बोलू द्या असे एकनाथ खडसे यांनी सांगितल्याचीही चर्चा होती.  

चंद्रशेखर बावनकुळे यांना कामठी ऐवजी काटोल या मतदारसंघात अनिल देशमुख यांच्या विरोधात लढवले जाण्याची शक्यता आहे. कामठीत दलित नेत्या सुलेखा कुंभारे यांना संधी दिली जाईल असे सांगन्याय येत आहे .