आजचा वाढदिवस : आमदार मकरंद पाटील, वाई , राष्ट्रवादी कॉंग्रेस.

वाई- महाबळेश्‍वर- खंडाळा मतदारसंघाचे राष्ट्रवादीचे आमदार असलेले मकरंद पाटील यांचे मुळगाव बोपेगांव (ता. वाई) असून ते डिप्लोमा इन सिव्हिल इंजिनिअर आहेत. राष्ट्रवादीचे ज्येष्ठ नेते व माजी खासदार लक्ष्मणराव पाटील यांचे चिरंजीव असल्याने त्यांच्यामागे मोठा राजकीय वारसा आहे. महाविद्यालयीन जीवनात ते विद्यार्थी प्रतिनिधी होते, त्यानंतर बोपेगावचे सरपंच झाले. ओझर्डे गटातून ते जिल्हा परिषद सदस्य झाले. 2004 मध्ये झालेल्या विधानसभा निवडणुकीत वाई मतदारसंघातून त्यांनी मदन 
भोसले यांच्या विरोधात निवडणूक लढली व तेथे त्यांचा पराभव झाला. त्यानंतर 2009 मध्ये वाई-महाबळेश्‍वर-खंडाळा मतदारसंघातून प्रथम आमदार म्हणून 
निवडून आले. त्यानंतर सलग दुसऱ्यांदा 2014 मध्ये याच मतदारसंघातून आमदार झाले.