आजचा वाढदिवस : अशोक उईके - आमदार (राळेगाव, यवतमाळ) 

भाजपचा सामान्य कार्यकर्ता ते आमदार असा प्राचार्य अशोक उईके यांचा राजकीय प्रवास झाला आहे. कॉंग्रेसचे ज्येष्ठ नेते प्रा. वसंतराव पुरके यांचा पराभव करून त्यांनी भाजपसाठी हा मतदारसंघ खेचून आणला. प्राचार्य डॉ. अशोक उईके राळेगाव विधानसभेतून 2014 आमदार झाले. ते विधानमंडळाचे अनुसूचित जमाती कल्याण समितीचे अध्यक्ष आहेत. नुकतीच त्यांनी राळेगाव येथे बिरसा मुंडा सूतगिरणी मंजूर करण्यात यश मिळविले आहे. त्यांच्याकडे भाजप आदिवासी आघाडीचे प्रदेश उपाध्यक्ष पद आहे. राळेगाव, कळंब व बाभूळगाव या तीन तालुक्‍यातील नगरपंचायती भारतीय जनता पार्टीकडे राखण्यात यश मिळविले आहे.