श्रीरामपूरचे काँग्रेस आमदार शिवसेनेत दाखल 

नगर : श्रीरामपूर विधानसभा मतदारसंघाचे काँग्रेस आमदार भाऊसाहेब कांबळे यांनी आज सदस्यत्त्वाचा राजीनामा देत शिवधनुष्य हाती घेतले. शिवसेनेच्या स्थानिक कार्यकर्त्यांचा कडवा विरोध असतानाही पक्षप्रमुख उद्धव ठाकरे यांच्या उपस्थितीत हा प्रवेश झाला.

शिवसेनेचे खासदार सदाशिव लोखंडे तसेच काही निवडक पदाधिकारी या वेळी उपस्थित होते. कांबळे यांचा शिवसेनेत प्रवेश निश्चित झाल्यानंतर स्थानिक कार्यकर्त्यांनी त्यास विरोध केला. कांबळे यांना लोकसभेच्या निवडणुकीत आपल्या मतदारसंघातूनही मताधिक्य घेता आले नाही. ते शिवसेनेत आले तरी त्यांना विधानसभेची उमेदवारी देऊ नये, अशी मागणी केली, मात्र त्यावरही मात करून कांबळे आज शिवसेनेत दाखल झाले.