बीड शिवसेनेचा नवा पायंडा ; शेतकऱ्यांच्या हस्ते संपर्क कार्यालयाचे उद्‌घाटन

बीड शिवसेनेचा नवा पायंडा ; शेतकऱ्यांच्या हस्ते संपर्क कार्यालयाचे उद्‌घाटन

बीड : कुठलेही उद्‌घाटन म्हटले कि बड्या हुद्द्यांवरील व्यक्तींना निमंत्रण कोणी कार्यक्रमाचा अध्यक्ष तर कोणी उद्‌घाटक तर कोणी प्रमुख पाहुणे. मात्र, बीडमध्ये जिल्हा शिवसेनाप्रमुख सचिन मुळूक यांनी नवीन पायंडा पाडत आपल्या नवीन संपर्क कार्यालयाचे उद्‌घाटन चक्क शेतकरी आणि बुजूर्ग शिवसैनिकांच्या हस्ते केले. चार महिन्यांपूर्वी शिवसेना संघटनेत बदल होऊन सचिन मुळूक यांच्यावर केज, परळी व माजलगाव या तीन मतदार संघाच्या जिल्हा प्रमुख पदाची धुरा सोपविण्यात आली. 

मुळूक यांनीही मग मोठ्या जोमाने संघटन बांधणीसाठी प्रयत्न केले. शिवसेना पक्षप्रमुखांना अभिप्रेत असल्यानुसार त्यांनीही भाजप नेत्यांवर फैरी झाडायला सुरुवात केली. पालकमंत्री म्हणून पंकजा मुंडे अपयशी ठरल्याच्या आरोपासून ते त्यांच्या वैद्यनाथ सहकारी साखर कारखान्यातील दुर्घटनेतील निष्काळजीपणाचा मुद्दाही त्यांनी उचलून धरुन चौकशीची मागणी केली. एवढ्यावरच न पंकजा मुंडे आणि धनंजय मुंडे यांच्यात छुपी युती असल्याच्या आरोपाचा बॉंबही त्यांनी फोडला. 

शिवसेनेच्या 80 टक्के समाजकारण आणि 20 टक्के राजकारण या धोरणानुसार त्यांनी माजलगाव, परळी आणि केज मतदार संघात आरोग्य शिबीरे, संघटनात्मक बांधणी, बैठका अशी कामे केली. दरम्यान, त्यांना भेटण्यासाठी शिवसेना मध्यवर्ती संपर्क कार्यालय उघडण्याचे त्यांनी निश्‍चित केल्यानुसार बुधवारी त्याचे उद्‌घाटन झाले. शहरातील मध्यवर्ती ठिकाणी व मुख्य रस्त्यावर सुरु केलेल्या या कार्यालयाच्या उद्‌घाटनाला कोणी पक्षाचा बडा नेता बोलविण्याऐवजी सचिन मुळूक यांनी शेतकरी व बुजूर्ग शिवसैनिकांना फित कापण्याचा मान देऊन नवा पायंडा पाडला. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com