बाळासाहेब थोरात म्हणतात, ""कोणी कितीही अडचणी आणा, पुढील पाच वर्षे मीच मंत्री !''

balasaheb-thorat-
balasaheb-thorat-

श्रीरामपुर : मागील पाच वर्षात आपल्याला अडचणीत आणण्यासाठी अनेक प्रयोग झाले.  कुठेही काही चूक होवू नये, असा आपला प्रामाणिक हेतू आहे. त्यामुळे आपण कुठे सापडलो नाही. आताही आपण शुद्ध हेतुने काम करत असून, पुढील पाच वर्ष आपणच मंत्री राहणार असल्याचा राजकीय टोला महसुलमंत्री बाळासाहेब थोरात यांनी लगावला. 

सामान्य जनतेच्या भल्यासाठी नियम मोडले, तर उद्या आमच्यावर आरोप होतील. आमच्या भोवती काही उद्योग झाला तर त्यावेळी तुम्ही फक्त एकदा भेटायला याल. सरकारमध्ये काम करीत असताना प्रत्येक गोष्टीची काळजी घ्यावी लागते. काहीजण आपले काही चुकले की काय हे पाहायला येतात. मागील काळात अडचणी आल्या नाही, असे समजू नका.

काम करण्याचा प्रमाणिक हेतू असून, शुद्ध हेतुने आपण काम करत आहोत. मिळालेल्या संधीचा उपयोग करीत जनतेच्या भल्यासाठी चांगले काम करीत राहणार आहे. काम करताना प्रत्येक गोष्टीची काळजी घ्यावी लागते, असे थोरात यांनी स्पष्ट केले. श्रीरामपूरमध्ये पत्रकारांशी ते बोलत होते. 

विखे पाटील यांना टोला 
मागील वेळी म्हणजे भाजप सरकारच्या काळात आपल्याला अडचणी आल्याचे थोरात यांनी स्पष्ट करताना त्यांनी आमदार राधाकृष्ण विखे पाटील यांचे नाव न घेता त्यांच्यावर टीका केली. काही लोकांनी मला अडचणीत आणण्याचा प्रयत्न केला; परंतु माझे काम चांगले असल्यामुळे मी कशातही सापडलो नसल्याचे त्यांनी सांगितले. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com