पुणे : कोल्हापूरच्या पालकमंत्री पदाचा वाद आगामी काळात पेटण्याची शक्यता आहे. काॅंग्रेसचे प्रदेशाध्यक्ष बाळासाहेब थोरात यांनी आपण हे पद स्वीकारणार नसल्याचे सांगितल्याने कोल्हापूरचे पालकत्व कोण घेणार, याकडे आता लक्ष आहे.
इतर नेत्यांना संधी मिळण्यासाठी मी पालकमंत्री पद घेणार नसल्याची थोरातांची भूमिका असल्याचे सांगण्यात आले. मात्र पदासाठी कोल्हापूरमध्ये हसन मुश्रीफ आणि सतेज पाटील यांच्यामध्ये चुरस आहे. त्यात मुश्रीफ यांना नगरसारखा तगडा जिल्हा देऊन त्यांच्या ज्येष्ठत्वाप्रमाणे जबाबदारी मिळाली आहे. दुसरीकडे पाटील यांना भंडारा जिल्हा दाखविण्यात आला आहे.
थोरात यांची ही `त्यागा`ची भूमिका ही सतेज पाटलांसाठी तर पूरक नाही ना, अशी शंका आता राष्ट्रवादी काॅंग्रेसला येत आहे. त्यामुळेच थोरात यांनी हे पद नाकारले तर येथे पाटील यांना संधी मिळू शकते. त्यामुळे बाळासाहेबांचा त्याग हा मुश्रीफ यांना कात्रजचा घाट दाखवू शकतो, अशी शक्यता आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.