...तर जनता महाशिवआघाडीलाही माफ करणार नाही - आशीष देशमुख

सरकारने विदर्भाला झुकतं माप देण्याची गरज आहे. महाविकास आघाडीने विदर्भाचा विकास केला नाही, तर येथील जनता या आघाडीलाही माफ करणार नाही, असे काटोलचे माजी आमदार आशीष देशमुख म्हणाले.
...तर जनता महाशिवआघाडीलाही माफ करणार नाही - आशीष देशमुख

नागपूर ः फडणवीस सरकारने विदर्भाकडे दुर्लक्ष केले. त्यामुळे गेल्या पाच वर्षांत विदर्भाची अधोगती झाली. आज महाराष्ट्र स्वार्थी लोकांच्या तावडीतून मुक्त झाला आहे. सरकारने विदर्भाला झुकतं माप देण्याची गरज आहे. महाविकास आघाडीने विदर्भाचा विकास केला नाही, तर येथील जनता या आघाडीलाही माफ करणार नाही, असे काटोलचे माजी आमदार आशीष देशमुख म्हणाले.

देशमुख म्हणाले, की "मी पुन्हा येईन' म्हणणारे आले खरे मात्र तेवढ्याच वेगाने निघूनही गेले, असा टोला त्यांनी नाव न घेता माजी मुख्यमंत्री देवेंद्र फडणवीसांना लगावला. भाजपच्या सरकारमध्ये जनतेच्या अपेक्षा पूर्ण झाल्या नाहीत. राज्याची, विदर्भाची अधोगती झाली. शेतकऱ्यांचे हाल झाले आणि बेरोजगारी वाढण्यासह विविध समस्यांना जनतेला तोंड द्यावे लागले.

आता राष्ट्रवादी कॉंग्रेस, कॉंग्रेस आणि शिवसेना या पक्षांचे महाआघाडीचे सरकार स्थापन होते आहे. उद्या शिवसेना नेते उद्धव ठाकरे मुख्यमंत्रीपदाची शपथ घेणार आहेत. त्यांच्या नेतृत्वात राज्याला स्थिर सरकार मिळेल. या राज्यात शेतकरीही स्थिर असतील. हे सरकार विदर्भाला झुकतं माप देईल आणि आम्ही विदर्भासाठी विकास खेचून आणू, असेही आशीष देशमुख म्हणाले.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com